DANIEL 3:19 - KITTA' MATANGKASA'

¹⁹ Jari a'reremi larrona Karaeng Nebukadnezar mae ri Sadrakh, Mesakh siagang Abednego, sa'genna a'jari eja sikali rupanna. Naparentakammi sollanna nitambai a'lappi tuju bambanna anjo pepeka.

DANIEL 3:19 Iomraidhean Croise

PA'JARIANG 31:2

Nacini' tommi Yakub angkana tenamo nasangkamma riolo baji'na Laban mae ri kalenna.

ESTER 3:5

Teaimi sipato' larrona Haman ri wattunna naasseng angkana taerokai Mordekhai assu'ju' ri ia.

ESTER 7:7

Teaimi sipato' larrona karaenga. Ammentemmi nampa nabokoi mejanga nampa tulusu' assulu', ri koko balla' karaenga. Naassemmi Haman angkana natappukimi karaenga untu' anghukkungi. Jari ammantammi siagang Ester untu' ampalaki ri Ester sollanna nipalili ri anjo balaya.

PAMMUJI 76:10

Ri wattunTa ammenteng ero' angngadeli untu' ampasalamaki tau nijallakkanga ri lino.

PANGNGEBARANG 16:14

Pangngalarroinna karaenga sanrapangi kabara' hukkungang mate; tau cara'deka usahai untu' ampanaungi larrona!

PANGNGEBARANG 21:24

Tau borroa siagang tinggi langgaya nangai accalla siagang kurangajara'.

YESAYA 51:23

Anjo passessaya Kupabattui mae ri tau anjallakkangako, le'baka assuroko attinro naung ri buttaya, na naonjo'-onjokangko, rapangko agang naoloa tau.”

DANIEL 2:12

Nalangngere'na anjo kammaya teaimi sipato' larrona karaenga; naparentakammi sollanna nibuno kabusu' sikontu tau cara'de' niaka ri Babel.

DANIEL 3:13

Nalangngere'na karaenga anjo kammaya, teaimi sipato' larrona. Appasulu'mi parenta sollanna nierang anjo tau tallua andallekang ri ia.

DANIEL 3:20

Nampa nasuro siapa are tau sannaka gassinna battu ri tantarana ansikkoki Sadrakh, Mesakh siagang Abednego, kammayatompa napasambila ke'nanga antama' ri anjo pepe' a'rinraya.

DANIEL 5:6

A'jari pi'lasa'mi rupanna siagang lanri malla'na nannekkere'mo kulantu'na.

DANIEL 6:24

Teai sipato' sannanna nyawana karaenga siagang naparentakammi sollanna nipasulu' Daniel battu ri anjo leanga. Le'baki anjo parentaya nigaukang, a'nassami angkanaya tena manna sike'de' loko' nigappa ri kalenna Daniel, lanri tappa'na mae ri Allata'ala.

KAIMANGNGANG 26:18

Punna le'ba' nukasia' ngaseng anjo hukkunganga natenapa numannuruki ri Nakke, laKutambai anjo hukkungangKu a'jari a'lappi tuju.

KAIMANGNGANG 26:21

Punna tulusu' angngewa ijako mae ri Nakke siagang taerokako mannuruki mae ri Nakke, laKutambai pole hukkungannu a'lappi tuju.

KAIMANGNGANG 26:24

laKupangngajariko siagang Kuhukkungko a'lappi tuju la'bi battala'na na hukkungang rioloa.

KAIMANGNGANG 26:28

la'jari larroMa' ampangngajariko, siagang laKuhukkungko pole a'lappi tuju la'bi battala'na na hukkungang rioloa.

LAMPA-LAMPANA 5:33

Ri wattu nalangngere'na anggota-anggotana anjo Pangadelang Agamaya anjo apa napaua tunisuroNa Allata'ala, teaimi sipato' larrona ngaseng ke'nanga. Sa'genna assama turu' ngasemmi ke'nanga ero' ambunoi anjo sikammaya tunisuroNa Allata'ala.

LAMPA-LAMPANA 7:54

Kamma nalangngere'na anggota-anggota sidang Pangadelang Agamaya sikamma anjo napaua Stefanus, pa'risi' sikalimi nyawana ke'nanga siagang sanna' ngasemmi larrona mae ri Stefanus.