DANIEL 3:12 - KITTA' MATANGKASA'

¹² Mingka nia' siapa are tu Yahudi le'baka kisare pamarentahang ri propinsi Babel ambawang-bawangngangi anjo parentata karaeng. Anjo ke'nanga iamintu Sadrakh, Mesakh siagang Abednego. Anjo ke'nanga taerokai anynyomba ri rewata-rewatanta karaeng, siagang tena todong naero' anynyomba ri anjo patung bulaeng le'baka kipaenteng karaeng.”

DANIEL 3:12 Iomraidhean Croise

ESTER 3:8

Nampa nakanamo Haman ri karaenga, “O, karaeng, nia' se're bansa mara'-maraeng a'la'bang ri sikontu propinsia ri anne pa'rasanganga. Assisala sikali ada'-ada'na ke'nanga siagang bansa-bansa maraenga. Taerokai ke'nanga mannuruki ri sikamma atorang niaka ri anne kakaraenganga. Jari, teaki' lappassangi ke'nanga a'gau' situru' ero' kalenna ke'nanga.

PANGNGEBARANG 27:4

Anjo larroa pallaki siagang ammanraki, mingka inai akkulle attahang andallekangi akkimburua?

KATO'BA 4:4

Kuasseng tongi angkanaya tamaka batena anjama terasa' rupataua, lanri poro assereatina bawang anciniki wassele' usahana siampi' balla'na. Yangasenna anjo poro sia-siaji bawang, sanrapang usaha angngondang anging.

DANIEL 1:7

Kapala ruma tanggana balla' karaenga nasambeimi arenna ke'nanga a'jari: Beltsazar, Sadrakh, Mesakh siagang Abednego.

DANIEL 2:48

Nampa nasaremo Daniel empoang tinggi, nasarei jai hadia-hadia ga'ga, siagang naangkaki a'jari guburnur ri Babel, kammayatompa napa'jari pamimping kaminang tinggi mae ri sikontu tumailalanga ri balla' karaenga.

DANIEL 2:49

Mingka lanri pappala'na Daniel, napassareammi karaenga anjo pamarentahang propinsi Babel mae ri Sadrakh, Mesakh siagang Abednego, nampa kalenna Daniel ammantangi ri balla' karaenga.

DANIEL 3:11

siagang inai-nai tena naturuki anjo parentaya lanipasambilai antama' ri pepe' a'rinra-rinraya.

DANIEL 3:16

Appialimi Sadrakh, Mesakh siagang Abednego, angkana, “Karaeng mala'birika, tena nalassassala' ikambe.

DANIEL 3:29

Lanri kammana anjo kuparentakangi angkanaya sikamma tau battua ri bansa-bansaya, ri suku bansaya yareka bahasaya, ia le'baka appasulu' kana-kana anghinai Allata'ala nasombaya Sadrakh, Mesakh siagang Abednego, lanikere'-kereki siagang lanirumbangi balla'na a'jari tambungang loro. Nasaba' tena rewata akkulle anggaukangi anjo apa le'baka Nagaukang Allata'ala.”

DANIEL 3:30

Le'baki anjo napanai'mi karaenga pangka'na anjo Sadrakh, Mesakh siagang Abednego, sa'genna a'jari ke'nanga tau tinggi pangka'na ri propinsi Babel.

DANIEL 6:13

a'lampa ngasemmi ke'nanga mange andallekang ri karaenga untu' antuntuki Daniel. Nakana ke'nanga, “Sai le'ba' maki' karaeng annekeng sura' parenta, ampisangkai sikontu taua lalang anne tallumpulo alloa untu' appala' doang mae ri kalase'renna rewataya yareka rupataua pantaranganna mae ri katte bawang? Kammayatompa angkanaya inai-nai andakkai anjo parentaya lanipasambilai antama' ri leang singaya?” Appialimi karaenga angkana, “Memang, siagang anjo parentaya a'jari undang-undangi mae ri Media siagang Persia, tenaya nakkulle nibeso' ammotere'!”

DANIEL 6:14

Nampa nakanamo ke'nanga ri karaenga, “Daniel, kalase'renna tunipelaka battu ri Yehuda, tena najampangiki' karaeng, siagang nabawang-bawangngangi parentata. Ta'atoroki appala' doang tappintallu siallo.”

LAMPA-LAMPANA 17:7

na natarimamo Yason anjo ke'nanga ri balla'na. Nadakkaimi ke'nanga apa-apa le'baka napattantu Karaenga ri Roma, lanri nakanana ke'nanga nia' ija karaeng maraeng niarenga Isa.”

LAMPA-LAMPANA 5:28

Nakana imang lompoa, “Le'ba' mako nipisangkai ampangngajarrangi arenNa anjo Taua. Mingka kamma-kamma anne, apa le'ba' nugaukang! Nupa'la'bammi anjo pangngajarannu mae ri sikontu tau niaka ri Yerusalem. Kammayatompa, erokko ba'lalo ampakkanaiki' anne, angkanaya passala' ikambe anne namate anjo Taua.”