DANIEL 2:9 - KITTA' MATANGKASA'

⁹ lakuhukkung kabusu' kamma tongko punna tena nukkulle ampauanga' anjo so'naku. Assikongkolo' kabusukko untu' tulusu' amballe-balleia' siagang ampakarek-karenanga' lanri nurannuanna angkanaya lakupinrai kaputusangku. Jari, pauamma' anjo so'naku, nampa kuassemmo angkanaya akkulle tongko ampakasingaraki battuanna.”

DANIEL 2:9 Iomraidhean Croise

1 KARAENG-KARAENG 22:22

Akkuta'nammi Batara angkana, ‘Antekamma carana?’ Appialimi anjo roh angkana, ‘La'lampa' nampa kupa'jari a'balle-balle ngaseng na'bi-na'bina Ahab.’ Nakanamo Batara, ‘Baji'mi, gaukammi anjo, lakkulleko antu anynyonyoki.’ ”

1 KARAENG-KARAENG 22:6

Jari napa'rappungammi Ahab kira-kira nia' 400 na'bi, nampa akkuta'nang ri ke'nanga angkana, “Maka akkulleja' mange ambunduki Ramot yareka tena?” Appialimi ke'nanga angkana, “Akkullei! LaNapassareangi Batara anjo kotaya mae ri katte.”

ESTER 4:11

“Sikamma taua, baji' nabura'ne yareka baine, ia tenaya nanisuro kioki nampa mange andallekang ri karaenga lalang ri parang lakkenna balla' karaenga, musti nihukkung matei. Anjo undang-undang, siagang sikontu taua appakkaramula battu ri tumailalanna karaenga sa'genna mae ri ra'yaka ri sikontu propinsia, naasseng ngasengi anjo passalaka. Se'reji bawang cara nakkulle ta'lappasa' taua battu ri anjo undang-undanga, iamintu punna napajonjo takkang bulaenna karaenga mae ri anjo taua. Punna kamma anjo, lasalamaki. Mingka nia'ma' sibulang anne tale'baka nakio' karaenga.”

PANGNGEBARANG 12:19

Sipakkida mataji natassungkemo balle-ballea, mingka kana-kana tojenga latuli niaki satunggu-tungguna.

YESAYA 41:23

Paumi apa lakajarianga, sollanna naasseng ikambe angkana ma'nassa batara tojengko. Gaukammi a'matu-matua yareka appakarugia, sollanna lannasa' ikambe anciniki.

YESAYA 44:25

INakkemi ampassala-salangi tappu-tappuna pacinika, siagang ampakkarek-karenangi sikamma pabaca-bacaya. Kugeakki kana-kananna tau cara'deka, kacara'dekanna ke'nanga Kupa'jari kadongokang.

YEHEZKIEL 13:17

Nakana Batara, “Kamma-kamma anne he tau, parhatikangi bai'-baine appanggaukang eroka nikana kalenna na'bi ri alla'na bansanu. Callai ke'nanga,

YEHEZKIEL 13:19

NuhinaMa' ri dallekanna ummakKu, lanri ero'nu poro anggappa sikangkang jelai gandung siagang pirang kere' are roti. Tau tenaya nasala nubunoi, nampa tau siratanga mate nulappassangi attallasa'. Nampa nuballe-ballei ummakKu siagang tappa'mi ke'nanga mae ri kau ngaseng.’ ”

YEHEZKIEL 13:6

Sikamma paccini'na ke'nanga sangnging tena nakontutojeng siagang sikamma botona ke'nanga sangnging balle-balle. Naani ke'nanga kalenna angngerang pasang battu ri Nakke, padahala' iNakke tena le'bakai Kusuro ke'nanga. Antekamma lakkulle ke'nanga manrannuang ri botona ke'nanga anjo angkana la'rupai?

DANIEL 2:16

Mangemi linta' Daniel andallekang ri karaenga siagang appala' wattu untu' ampakasingaraki battuanna anjo so'naya.

DANIEL 2:21

Iami ampattantui wattua siagang jammanga, Ia antu'gurangi siagang allantiki pamarentaya. Ia todong assarei kacara'dekang, siagang assarei pammahang.

DANIEL 2:8

Nalangngere'na anjo appialimi karaenga angkana, “Coco' sikali pakkapangku. Poro nupakala'bu-la'bunaji bawang caritaya, lanri nuassenna angkanaya

DANIEL 3:15

Jari, kamma-kamma anne apaka sadia jako su'ju' siagang anynyomba mae ri anjo patunga punna assa'ra musika? Punna taerokako, lakupasambila silalonnako antama' ri pepe' a'rinra-rinraya. Siagang rewata battu kemae lakkulle ampasalamakko battu ri kakoasangku?”

DANIEL 5:28

nibage, iamintu angkanaya nibagei kakaraenganta nampa nipassareang mae ri tu Media siagang Persia.”

DANIEL 7:25

Bicaranna langngewai ri Allata'ala Kaminang Tinggia siagang lanajallakkangi umma'Na Allata'ala. Eroki napinra sikamma hukkung-hukkung siagang allo lompona agamana umma'Na Allata'ala, siagang lanikoasai ke'nanga lalang tallu assitangnga taung.

2 KORINTUS 2:17

Ikambe tena kisangkamma taua, ampare' kammai danggangang biritta battua ri Allata'ala. Ikambe ci'nongi pattujunta, nasaba' Allata'ala assareki' jama-jamang. Siagang KalenNa Allata'ala anciniki angkanaya nipa'jari atanNami Isa kalenta ampabattui anjo birittaya.