DANIEL 2:48 - KITTA' MATANGKASA'

⁴⁸ Nampa nasaremo Daniel empoang tinggi, nasarei jai hadia-hadia ga'ga, siagang naangkaki a'jari guburnur ri Babel, kammayatompa napa'jari pamimping kaminang tinggi mae ri sikontu tumailalanga ri balla' karaenga.

DANIEL 2:48 Iomraidhean Croise

2 SAMUEL 19:32

Anjo lapung Barzilai sanna'mi toana, umuru'na narapi'mi sagantujupulo taung. Teai sipato' kalumanynyanna. Na ri wattunna ammantang karaenga pirangalloang ri Mahanaim, iaminjo Barzilai ampasadiangi apa lanakanrea karaenga.

2 KARAENG-KARAENG 5:1

Anjo Naaman panglima tantarana tu Siria sannaka ningaina siagang nipakala'biri'na ri karaeng Siria. Nasaba' tete ri Naaman, nisarei pammetang ri Batara tantara Siria. Anjo Naaman panglima sanna' baranina, mingka natabai garring sala.

AYUB 1:3

Pantaranganna anjo jai suro-surona, nia' 7.000 gimbala'na, 3.000 untana, 1.000 sapinna, siagang 500 keledaina. Bodona kana, iami kaminang kalumanynyang ri sikontu pandudu' niaka bageang iraya.

YEREMIA 5:5

Baji'mi nakua'lampa mae ri sikamma tumalompoa, nampa a'bicara siagang ke'nanga. Mattantu naassengi ke'nanga apa Nakaerokia siagang Natuntuka Karaeng Allata'ala battu ri ke'nanga.” Mingka, yangasenna anjo ke'nanga tena todong naero' Niparenta ri Batara; taerokai ke'nanga mannuruki ri Ia.

DANIEL 2:6

Mingka punna nukulleji, lakusareko hadia ga'ga-ga'ga siagang kalompoang. Jari kamma-kamma anne pauamma' anjo so'naku siagang apa battuanna!”

DANIEL 3:1

Ri se'reang wattu, appareki Karaeng Nebukadnezar se're patung bulaeng. Tinggina 27 metere' siagang sangkara'na ambani 3 metere'. Anjorengi ri lappara' Dura ri propinsi Babel napaenteng anjo patunga.

DANIEL 3:12

Mingka nia' siapa are tu Yahudi le'baka kisare pamarentahang ri propinsi Babel ambawang-bawangngangi anjo parentata karaeng. Anjo ke'nanga iamintu Sadrakh, Mesakh siagang Abednego. Anjo ke'nanga taerokai anynyomba ri rewata-rewatanta karaeng, siagang tena todong naero' anynyomba ri anjo patung bulaeng le'baka kipaenteng karaeng.”

DANIEL 3:30

Le'baki anjo napanai'mi karaenga pangka'na anjo Sadrakh, Mesakh siagang Abednego, sa'genna a'jari ke'nanga tau tinggi pangka'na ri propinsi Babel.

DANIEL 4:6

Nampa kukio' sikamma tucara'deka, ia niaka ri Babel untu' ampakasingaraki battuanna anjo so'naya mae ri nakke.

DANIEL 4:9

“He, Beltsazar, pamimpinna tau cara'deka, kuassengi angkanaya ikau nikoasaiko ri rohna rewata-rewata matangkasaka, sa'genna tena rahasia taccokko mae ri kau. Pilangngeri anne so'naku, siagang pakasingaraki battuanna.

DANIEL 5:11

Nasaba' lalang ri kakaraenganna karaengku nia' sitau bura'ne nikoasai ri roh rewata-rewata matangkasaka. Ri wattu pamarentahanna manggena karaengku, anjo taua a'buttimi angkanaya nia' kacara'dekanna, pammahanna siagang pangngassenganna, sangkamma pangngassenganna sikamma rewataya. Manggena karaengku, iamintu Karaeng Nebukadnezar, le'baki naangka' anjo taua a'jari pamimping mae ri pacinika siagang tau cara'deka accini' bintoeng.

DANIEL 5:16

Silalonna kulangngere' angkanaya ikau akkulleko assungkei sikontu rahasiaya siagang anreppeki apa-apa sukkaraka. Punna akkulleko ambacai anne tulisanga siagang ampauanga' battuanna, lakusareko pakeang kakaraengang iamintu juba cura' lame butung siagang rante bulaeng pannanrai kalompoang. Pantaranganna anjo lakuangkakko a'jari tukoasa makatallu lalang ri kakaraengangku.”

DANIEL 5:29

Naparentakammi linta' Belsyazar pagawena sollanna napipakei Daniel juba cura' lame butung siagang nipatabai rante bulaeng kallonna. Nampa naangka' a'jari tukoasa makatallu lalang ri kakaraenganna.

DANIEL 5:7

Ammarrammi ansuro kioki sikamma pacinika, sanro cara'deka siagang tau cara'deka accini' bintoeng. Ri wattunna battu ke'nanga, nakanamo karaenga, “Inai-nai akkulle ambacai anjo tulisanga siagang ampauanga' battuanna, lakusarei pakeang kakaraengang iamintu juba cura' lame butung siagang rante bulaeng pannanrai kalompoang mae ri ia. Pantaranganna anjo lakuangka' tongi a'jari tukoasa makatallu lalang ri kakaraengangku.”

DANIEL 8:27

Nampa a'jari lammamo kusa'ring pakkasiakku, sa'gengku tu'guru' garring pirangallo are. Le'baki anjo ambangumma' nampa kugaukang ammotere' sikamma tugasakku untu' karaenga. Mingka lussakka' annawa-nawai anjo sikamma apa kucinika na tena nakkulle kupahang battuanna.

PAMMILANGNGANG 24:11

Kamma-kamma anne akkulle mako a'lampa, ammotere' mange ri balla'nu! Kujanjiko lakusare sawala', mingka tanipa'biangngako ri Batara antarimai anjo sawalaka.”

1 SAMUEL 17:25

Massing para nakanamo ke'nanga, “Pilangngerimi kana-kana pa'ngarana! Le'ba'mi a'janji Saul karaenta angkana, inai-inai akkulle ambunoi Goliat, lanasarei hadia lompo. Lanapa'bunting tongi karaenga siagang ana' tulolonna. Nampa kaluargana manggena anjo taua tena nalanipitabai sima.”

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.

1 SAMUEL 25:2

Ri kota Maon nia' sitau bura'ne battu ri passibijanna Kaleb, niarenga Nabal. Nia' parang pangnganreang olo'-olo' katuona ri ampi'na kota Karmel. Sanna' kalumanynyanna siagang nia' 3.000 kayu gimbala'na, siagang 1.000 kayu bembena. Bainenna niarenga Abigail sanna' cara'de'na siagang sanna' ga'gana. Mingka Nabal kasara' sikali sipa'na siagang kodi panggaukanna. Ri se'reang allo sitabangi Nabal nacukkuru' bulu gimbala'na ri Karmel.