DANIEL 2:45 - KITTA' MATANGKASA'

⁴⁵ Sai kiciniki karaeng, angkanaya tena sikali tau amberoi, nania' se're batu ta'lappasa' battu ri ta'binga nampa natuju siagang naancuru' anjo patung nipareka battu ri bassi, tambaga, butta pi', pera' siagang bulaeng? Allata'ala malompoa ampa'nyatai mae ri karaengku apa lakajarianga sallang. Anjo so'naya akkullei nipatappa' siagang anne napakasingaraka atanta sanna' sikali kamma tojenna.”

DANIEL 2:45 Iomraidhean Croise

PA'JARIANG 41:26

Anjo tujua sapi co'mo' battuanna iamintu tuju taung, siagang anjo tujua bulere' gandung bajika assinna battuanna tuju taung tonji. Jari anjo ruaya sangkammai battuanna.

PA'JARIANG 41:28

Sangkamma napaua atanta sumpadeng, Napappicinikammi Allata'ala ri katte apa eroka Nagaukang.

PA'JARIANG 41:32

Pinruangki' asso'na. Anjo battuanna iamintu, anjo passalaka le'ba'mi Napattantu Allata'ala, siagang tenamo nasallo naNapa'jari.

2 SAMUEL 7:22

IKatte ma'nassa teai sipato' malompoTa tojeng, o Karaeng Allata'ala! IKatteji bawang Allata'ala, tena sikali sangkammanTa. Naassengi ikambe anjo passalaka lanri baku' riolo iji nanipauammo ikambe.

1 PATTOTTORANG 16:25

Nasaba' malompoNa Batara siagang sanna' nipujiNa; Ia musti la'bi nikamallakkang kala sikontu rewataya.

NEHEMIA 4:14

Kucini'na angkana mallaki ra'yaka, kukanamo ri ke'nanga siagang ri tutoa-toana kammayatompa sikamma pamimpinna ke'nanga, “Teako mallaki ri musua! Angngu'rangiko mae ri Batara makassaka siagang sannaka heba'na, siagang barjuangko untu' sikamma sari'battannu, ana'-ana'nu, bainennu kammayatompa balla'nu.”

NEHEMIA 9:32

O, Allata'ala, Allata'alana ikambe magassinga! Allata'ala malompoa siagang hebaka! MajarrekKi' anta'galaki sikontu parjanjianTa; Kirupai siagang Kigaukangi janji-janjinTa. Battu ri jammang sikamma karaeng Asyur anjallakkangi ikambe sa'genna kamma-kamma anne jaimi pa'risi' nakasia' ikambe. Sikamma karaenna ikambe, imang, na'bi siagang tutoa-toaya, kammayatompa boena ikambe siagang ra'yaka pa'risi' ngaseng. Teaki' kaluppai anjo pa'risika! Teaki' pelakki ri pangngu'ranginTa!

AYUB 36:26

Tamaka mala'biri'Na Allata'ala, takkulleai niselangngi yareka nirekeng siapa sallona taunNa.

PAMMUJI 135:5

Saba' kuassengi tamaka malompona Batara, Ia malompo la'biangngang nasikontu rewataya.

PAMMUJI 145:3

Saba' malompoi Batara siagang sanna' nipujiNa takkulleai nitarrusu' kalompoanNa.

PAMMUJI 2:9

Lanutepoki ke'nanga siagang takkang bassi na nupokara' sanrapang uring butta.’ ”

PAMMUJI 48:1

Pammujina golongang Korah.

PAMMUJI 96:4

Saba' malompoi Batara, siagang sanna' nipujiNa, musti nikamallakkangi la'biangngang nasikontu rewataya.

YESAYA 28:16

Lanri kammana anjo, kammaminne kananNa Batara Kaminang Tinggia, “LappadongkoKa' batu pa'dongkokang majarre' siagang makassa' ri Sion; se're batu pundasi ia ka'jalaka ballinna, niaka tulisanna angkana: ‘Inai-inai jarre' tappa'na, tena nalanibeta.’

DANIEL 2:24

Le'baki anjo a'lampami Daniel mange ri Ariokh nisarea tugasa' untu' ambunoi sikamma tau cara'deka ri Babel. Nakana Daniel ri ia, “Teaki' bunoi anjo sikamma tau cara'deka. Eranga' mange andallekang ri karaenga, nasaba' erokka' ampauangi karaenga angkanaya apa battuanna anjo so'nana.”

DANIEL 2:28

Mingka ri suruga, nia' Allata'ala akkulle ansungkei sikontu rahasiaya, siagang Iami le'ba' ampauangki' karaeng apa lakajarianga ri allo ri boko. Kamma-kamma anne, boli'mi kamma nanapakasingara' atanta angkana apa so'nata siagang kicini' ilalang tinrota karaeng.

DANIEL 2:29

Ri wattunta attinro karaeng, asso'naki' ri passala'na jammang labattua sallang. Nasungkei Allata'ala mae ri katte karaeng, iamintu sikontu rahasiana apa lakajarianga.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

DANIEL 8:25

Lanri ia sannaki porena akkala'na, tuli lanjari balle-ballena. Lanakatampoangi kalenna, siagang tena napakainga' rioloi taua na napanraki tau jaia. Ba'lalo barani angngewai Karaeng Kaminang Lompoa. Mingka laniancuru' tongi nateaiji kagassingang rupatau.

HAGAI 2:22

sikamma kakaraenganga laKurumbangi siagang Kuancuru' kakoasanna ke'nanga. Kareta-kareta bundu'na siagang paeranna laKuparateangi bangkenna; sikontu jaranga lamate kabusuki siagang pabaena lamassing sibuno-bunoi.

ZAKHARIA 12:3

Mingka punna ta'rapi'mo anjo alloa, laKupa'jari Yerusalem sanrapang batu battalaka; manna pole bansa battu kemae ancobai angngangkaki langgappai bala. Sikontu bansaya ri lino lanapa'jari se'rei kalenna untu' ambunduki Yerusalem.

MALEAKHI 1:11

NipakalompoA' ri sikamma bansa-bansaya ri sikontu linoa. Kere-keremae nitunui dupaya untu' ampakalompoi arengKu siagang nipassareangi sikamma koro'bang siratanga, ba'lalo sikontu bansaya napakalompoA'.

MATIUS 21:24

Appialimi Isa Nakana, Ero' tongA' akkuta'nang ri kau ngaseng. Na punna nupialimo pakkuta'nangKu, nampa mako laKupauang todong angkanaya inai assareA' koasa anggaukang ngasengi sikammaya anjo apa le'baka Kugaukang.

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

LUKAS 17:20

Nia' siapa are tu Farisi akkuta'nang ri Isa angkana, ringngapanna Nalabattu Allata'ala ammarenta. Appialimi Isa Nakana, “Punna Napakkaramulai PamarentahanNa Allata'ala, tena Napakaramulai siagang pammatei akkullea nacini' mata,

PAOLE 10:17

Karaeng Allata'alanu ri tompo'na sikontu rewataya siagang irateanganna sikontu kakoasanga. Iami Allata'ala mala'biri' siagang makoasaya, mustia nituruki ero'Na. TaNangaiyai angngalle sialia siagang tena todong Naero' annarima passare nipacoco'.

PAPPICINI' 1:19

Lanri kammana, tulisi' ngasengi sikamma apa-apa nucinika, iamintu apa-apa niaka ri kamma-kammaya anne, siagang apa-apa lakajarianga sallang.

PAPPICINI' 19:17

Nampa nia' kucini' sitau malaeka' ammenteng irate ri matanna alloa. Akkio' lompomi mae ri sikontu jangang-jangang anri'baka ri langika, angkana, “Maeko a'rappungang untu' anghaderi passua'-suarrang lompoNa Allata'ala!

PAPPICINI' 4:1

Le'baki anjo anggappama' pole paccini'. Accinikka' se're pakke'bu' tassungke ri suruga. Nampa kulangngere'mo pole anjo sa'ra le'baka kulangngere' a'bicara mae ri nakke, sangkammaya tarompe' sa'ranna. Nakana anjo sa'raya, “Naikko mae anrinni. Erokko Kupicinikiang apa lakajarianga sallang.”