DANIEL 2:42 - KITTA' MATANGKASA'

⁴² Karemeng bangkenna bassi sipa'gang nampa butta pi' sipa'gang, battuanna nia' sipa'gang kakaraengang kassa' mingka nia' todong sipa'gang lammai.

DANIEL 2:42 Iomraidhean Croise

DANIEL 2:41

Anjo bangkenga siagang karemeng bangkeng a'bengkoroka bassi siagang butta pi' ri anjo patunga, iaminjo pangngebarranna angkanaya anjo kakaraenganga lata'bage-bagei ri allo ri boko. Anjo kakaraenganga nia' todong kagassinganna lanri anjo butta pika nibengkoroki bassi.

DANIEL 2:43

Anjo campurang bassia siagang butta pika a'jari pammatei angkanaya anjo kakaraenganga nausahai lanakassakki kalenna; iaminjo saba'na nasicampuru'mo sibuntingi. Mingka tena matu-matunna anjo usahana, nasaba' anjo bassia tena nakkulle sialle siagang butta pika.

DANIEL 7:24

Anjo sampuloa tanru' iamintu sampuloa karaeng lammarentaya ri anjo kakaraenganga. Nampa nia' sitau karaeng maraeng lammumba; tena nasangkamma siagang karaeng-karaeng rioloangannaya, siagang lanabetai tallua karaeng.

PAPPICINI' 13:1

Nampa nia' kucini' sikayu olo'-olo' ammumba battu lalang ri tamparanga. Nia' sampulo tanru'na na tuju ulunna. Ri massing-massing tanru'na nia' songko' karaeng, kammayatompa ri massing ulunna nia' tattulisi' se're areng anghinayai Allata'ala.