DANIEL 2:4 - KITTA' MATANGKASA'

⁴ Appialimi ke'nanga lalang bicara Aram angkana, “La'bui umurutta satunggu-tungguna karaeng! Kicaritami anjo so'nata mae ri kambe, nampa napakasingara' ikambe battuanna.”

DANIEL 2:4 Iomraidhean Croise

PA'JARIANG 31:47

Naaremmi Laban anjo pattambunganna batua Yegar-Sahaduta, nampa Yakub naarengi Galed.

PA'JARIANG 41:8

Bari'basa'na lussa'mi karaenga. Jari nasuro kio'mi sikontu pacinika siagang tu panritaya ri Mesir. Nampa nacarita anjo so'nana mae ri ke'nanga. Mingka tena manna sitau akkulle ampakasingaraki battuanna anjo so'nana.

1 KARAENG-KARAENG 1:25

Annemi alloa nale'ba' assare jai koro'bang gimbala', sapi laki, siagang ana' sapi co'mo'-co'moka. Yangaseng ana'-ana' bura'neta naundangi. Kammayatompa sikamma panglima tantarata siagang Imang Abyatar. Kamma-kamma anne sitabangi ke'nanga assua'-suara' siagang akkiok-kio' rannu angkana, ‘Attalasaki Karaeng Adonia!’

1 KARAENG-KARAENG 1:31

Su'ju'mi Batsyeba siagang nakana, “Mattallasakki' karaeng untu' satunggu-tungguna!”

2 KARAENG-KARAENG 18:26

Nakanamo Elyakim, Sebna siagang Yoah ri anjo perwiraya, “A'bicaraki' lalang bicara Aram karaeng, kakkulleji napahang ikambe. Teaki' ammakei bicara Ibrani, gassingka napahangi ra'ya' niaka irate anjoreng ri tembo'na kotaya.”

EZRA 4:7

Kammayatompa ri jammang pamarentahanna Artahsasta, karaeng Persia, a'mole-molei anjo kajariang kammaya. Bislam, Mitredat, Tabeel siagang agang-aganna ngaseng ke'nanga, annulisiki sura' mae ri karaenga. Anjo suraka nitulisiki lalang bicara Aram, nampa musti nipalembai ri wattunna nibaca.

NEHEMIA 2:3

kunampa appiali angkana, “Poro la'bui umurutta satunggu-tungguna karaeng! Antekamma talasusa atanta, punna kota pa'jerakkanna boe-boena atanta kamma-kamma anne sesa-sesa rumbangngang mami; pakke'bu' lompona ancuru'mi nakanre pepe'.”

YESAYA 36:11

Nakanamo Elyakim, Sebna siagang Yoah ri anjo perwira tantarana Asyur, “A'bicara Aram maki' mae ri kambe karaeng, saba' napahanji ikambe a'bicara Aram. Teaki' ammakei bicara Ibrani, gassingka napahangi sallang anjo ra'ya' niaka rate ri anjo tembo' kotaya.”

YESAYA 44:25

INakkemi ampassala-salangi tappu-tappuna pacinika, siagang ampakkarek-karenangi sikamma pabaca-bacaya. Kugeakki kana-kananna tau cara'deka, kacara'dekanna ke'nanga Kupa'jari kadongokang.

DANIEL 1:4

Anjo ke'nanga musti turungka tena caca'na. Musti tau gammara', tinggi sikolana, cara'deki, jai pangngassenganna, kammayatompa siratangi untu' anggaukangi tugasaka lalang ri balla' karaenga. Musti naajaraki Aspenas anjo ke'nanga ammaca siagang annulisi' lalang bicara Babel.

DANIEL 2:7

Appialimi pole ke'nanga angkana, “Kipauammi rolo ikambe anjo so'nata karaeng, le'bappi anjo nampa napakasingara' ikambe battuanna.”

DANIEL 3:9

Nakana ke'nanga ri Karaeng Nebukadnezar, “La'bui umurutta satunggu-tungguna karaeng!

DANIEL 4:19

Nalangngere'na anjo kammaya, Daniel iamintu niarenga todong Beltsazar, ta'bangkami siagang kalanna'-lannassangi siapa are sallona. Jari, inakke, Karaeng Nebukadnezar kukanamo ri ia, “He Beltsazar, teako lussakki lanri ia anjo so'naya siagang battuanna.” Appialimi Beltsazar angkana, “O karaengku, baji' sikali ebara' angkana sikamma anjo apa nibotoa lalang ri anjo so'naya teai ikatte natuju passangalinna musu-musunta.

DANIEL 4:7

Mingka ri wattunna battu nampa kucarita anjo so'naku mae ri sikamma pacinika, sanro cara'deka, tau niaka pangngassenganna siagang tau cara'deka accini' bintoeng, tena manna sitau battu ri ke'nanga akkulle ampakasingaraki apa battuanna anjo so'naku.

DANIEL 4:9

“He, Beltsazar, pamimpinna tau cara'deka, kuassengi angkanaya ikau nikoasaiko ri rohna rewata-rewata matangkasaka, sa'genna tena rahasia taccokko mae ri kau. Pilangngeri anne so'naku, siagang pakasingaraki battuanna.

DANIEL 5:10

Nalangngere'na karaenga siagang sikamma tumalompona ammarrang-marrang, antama'mi amma'na karaenga ri kamara' passua'-suarranga. Nampa nakana, “La'bui umuru'na karaengku satunggu-tungguna! Pakasannangi pa'mai'na karaengku siagang teaki' pi'lasaki.

DANIEL 5:8

Massing maju ngasemmi sikamma tau cara'deka, mingka manna sitau ri ke'nanga tania' akkulle ambacai anjo tulisanga siagang ampaui battuanna mae ri karaenga.

DANIEL 6:21

Battuna mange anjoreng, akkio' lussa'mi angkana, “O Daniel, atanNa Allata'ala mattallasaka! Apaka anjo Allata'alanu nusombaya siagang pa'mai' tamamminra akkulle mako napasalama' battu ri anjo singa-singaya?”

DANIEL 6:6

Nampa nakanamo ke'nanga, “Iapa nakkulle nigappa kasalanna Daniel punna passala' agamana.”

DANIEL 6:7

Appada-padami ke'nanga a'lampa mange andallekang ri karaenga na nakana ke'nanga, “O Karaengku Darius, la'bui umurutta satunggu-tungguna!

MATIUS 21:9

Nampa a'jappa anjo tau jaia ri dallekanNa siagang ribokoNa Isa. Akkiok-kio'mi ke'nanga angkana, “Nipakalompoi Ana'na Daud! Nibarakkakimi battua lalang arenNa Batara! Nipujimi Allata'ala Kaminang Tinggia!”

1 SAMUEL 10:24

Nampa nakanamo Samuel mae ri ra'yaka, “Iaminne tau nipilea ri Batara, tena sangkammanna ri katte ngaseng.” A'gora lompomi sikontu bansaya angkana, “Mattallasaki karaenga!”