DANIEL 2:39 - KITTA' MATANGKASA'

³⁹ Mingka punna le'ba'mo kakaraenganta, nia'mo lammumba kakaraengang maraeng, tenaya nasallompo kakaraenganta. Nampa ammumba pole kakaraengang makatallua, nipangngebarranga lalang ri anjo tambagaya ri patunga, lakoasaya mae ri sikontu linoa.

DANIEL 2:39 Iomraidhean Croise

YESAYA 44:28

INakke angkana mae ri Kores, ‘Ikau lammarenta untu' iNakke, siagang langgaukangi sikontu erokKu. Parentakangi sollanna nibangung ammotere' Yerusalem, siagang na nipadongko' batu pundasina Balla'Na Batara.’ ”

DANIEL 10:20

Nampa appialimi angkana, “Nuassengi angkana apa saba'na kubattu mae ri kau? Iamintu untu' ampauangko apa tattulisika lalang ri Kitta' Katojenganga. Kamma-kamma anne musti ammoterekka' mange a'bundu' siagang malaeka' pajagana Persia. Le'baki anjo labattui malaeka' pajagana Yunani. Tena lantulunga' pantaranganna malaeka' Mikhael, iamintu malaeka' pajagana Israel, bansanu.

DANIEL 2:32

Ulunna iamintu bulaeng ti'no' nipare', barambanna siagang paling-palinna battu ri pera', aya'na siagang pungku'na battu ri tambaga,

DANIEL 2:38

Nipa'jariki' karaeng tukoasa mae ri lino niaka pandudu'na kammayatompa jangang-janganga siagang olo'-olo' maraengannaya. Kalentami karaeng natabaya pangngebarranna anjo ulu bulaenna anjo patunga.

DANIEL 2:40

Nampa lammumba pole kakaraengang makaappa', kammaya bassi kassa'na. Na antekamma batena bassia allica' siagang angngancuru' apa-apa mamo, kammatommi anjo rapanna anne kakaraengang makaappaka lanalicaki siagang lanaancuruki anjo kakaraengang-kakaraengang maraenga.

DANIEL 7:23

Iaminne kasingarang kugappaya, “Anjo olo'-olo' makaappaka iamintu kakaraengang makaappa' lania' ammenteng ri lino, siagang tena nasangkamma kakaraengang maraenganga. Anjo kakaraenganga lanaancuruki siagang lanaa'luki sikontu buttaya nampa naonjo'-onjokang sesanna.

DANIEL 8:20

Anjo gimbala' laki nucinika, ruaya tanru'na, iami pangngebaranna kakaraengang Media siagang Persia.

DANIEL 8:21

Anjo bembe lakia, iami pangngebarranna kakaraengang Yunani, siagang anjo tanru' assuluka ri alla'na ruaya matanna, iamintu karaenna makase'rea.

ZAKHARIA 6:3

makatallua jarang kebo' siagang makaappaka jarang balo.

ZAKHARIA 6:6

Kareta pa'bundukang nibesoka ri jarang le'lenga a'lampa mangei Babel ri bageang wara'. Jarang keboka a'lampa kalauki siagang jarang baloa a'lampa mangei ri pa'rasangang niaka ri bageang timboro'.”