DANIEL 2:3 - KITTA' MATANGKASA'

³ Ri wattunna ammenteng ke'nanga ri dallekanna karaenga, nakanamo karaenga, “Le'bakka' asso'na, na sanna' lussa'na nyawaku lanri erokka' angngassengi battuanna!”

DANIEL 2:3 Iomraidhean Croise

PA'JARIANG 40:8

Appialimi ke'nanga angkana, “Ri bangngia massing asso'nai ikambe. Nampa tena tau angngassengi apa battuanna.” Nakanamo Yusuf, “Allata'alaji bawang akkulle assarei taua pakkulle untu' ampakasingaraki battuanna so'naya. Cobasai bedeng carita anjo so'nanu.”

PA'JARIANG 41:15

Nakanamo karaenga mae ri ia, “Le'bakka' asso'na, namanna sitau tena akkulle ampakasingaraki apa battuanna. Nia' angkabarrangi ri nakke angkanaya akkulleko ampakasingaraki battuanna so'naya.”

PA'JARIANG 41:8

Bari'basa'na lussa'mi karaenga. Jari nasuro kio'mi sikontu pacinika siagang tu panritaya ri Mesir. Nampa nacarita anjo so'nana mae ri ke'nanga. Mingka tena manna sitau akkulle ampakasingaraki battuanna anjo so'nana.

DANIEL 2:1

Ri se'reang bangngi, ruan taung ammarentana Karaeng Nebukadnezar, asso'nami. Anjo so'nana sanna' napakalussa'na nyawana, sa'genna takkullea tinro napakamma.

DANIEL 4:5

Mingka ri se'reang bangngi, ri wattu lalang tinroku, asso'na' anggappa paccini', sannaka napakalussa'na nyawaku.