DANIEL 2:26 - KITTA' MATANGKASA'

²⁶ Jari nakanamo karaenga ri Daniel iamintu niarenga todong Beltsazar, “Akkulleko ampauanga' angkana apa anjo so'naku siagang apa battuanna?”

DANIEL 2:26 Iomraidhean Croise

PA'JARIANG 41:15

Nakanamo karaenga mae ri ia, “Le'bakka' asso'na, namanna sitau tena akkulle ampakasingaraki apa battuanna. Nia' angkabarrangi ri nakke angkanaya akkulleko ampakasingaraki battuanna so'naya.”

DANIEL 1:7

Kapala ruma tanggana balla' karaenga nasambeimi arenna ke'nanga a'jari: Beltsazar, Sadrakh, Mesakh siagang Abednego.

DANIEL 4:8

Kala'busanna battumi Daniel ia niarenga todong Beltsazar, sangkamma arenna rewatangku. Anjo Daniel nikoasai ri roh rewata-rewata matangkasa'. Kucarita tongi so'naku mae ri ia, kukana,

DANIEL 5:12

Teai sipato' cara'de'na siagang porena kammayatompa panritana anjo taua ampakasingaraki so'naya, siagang ansungkei rahasiaya kammayatompa anreppeki sikamma apa sukkaraka. Arenna anjo taua iamintu Daniel, mingka niarengi Beltsazar ri karaenga. Suro kio'mi anjo taua. Iami lampauangi karaengku angkana apa battuanna anjo tulisanga.”

DANIEL 5:16

Silalonna kulangngere' angkanaya ikau akkulleko assungkei sikontu rahasiaya siagang anreppeki apa-apa sukkaraka. Punna akkulleko ambacai anne tulisanga siagang ampauanga' battuanna, lakusareko pakeang kakaraengang iamintu juba cura' lame butung siagang rante bulaeng pannanrai kalompoang. Pantaranganna anjo lakuangkakko a'jari tukoasa makatallu lalang ri kakaraengangku.”

DANIEL 7:1

Ri se'reang bangngi, ri taung makase're Belsyazar a'jari karaeng ri Babel, inakke, Daniel, asso'na' siagang anggappa' paccini'. Anjo so'naya kucataki siagang anjo apa kucinika kamma minne caritana: Anging sarroa ammiriki battu kere-keremae, sa'genna appabattu bombang lompo ri tamparang lompoa.

1 SAMUEL 17:33

Appialimi Saul angkana, “Teako! Antekamma olona ikau lattanding siagang ia? Ikau rungka dudu ijako, nampa tenapa nubiasa a'bundu' battu ri rungkanu.”