DANIEL 2:23 - KITTA' MATANGKASA'

²³ O, Allata'ala napakalompoa boe-boeku, iKattemi kupuji siagang kupakala'biri'. Nasaba' Kisarea' kacara'dekang siagang kagassingang. Kiturukianga' pappalakku. Siagang Kipicinikiamma' pappialia mae ri karaenga.”

DANIEL 2:23 Iomraidhean Croise

PA'JARIANG 18:17

Nakanamo Batara lalang ri pa'mai'na, “Tena Kuero' anrahasiakangi mae ri Abraham apa eroka Kugaukang.

PA'JARIANG 31:42

Ebara' angkana tena Najagaia' Allata'alana boeku, iamintu Allata'ala napakalompoa Abraham siagang Ishak, ma'nassa salloma' le'ba' kisuro a'lampa tanggappaya apa-apa. Mingka Naparhatikangi Allata'ala kasusaangku siagang jama-jamang le'baka kugaukang, nampa ri bangngia le'ba'mi Napassareang apa Napattantua.”

1 KARAENG-KARAENG 18:36

Ri wattunna narapi'mo wattunna assare koro'bang karueng, a'reppese'mi Na'bi Elia mae ri anjo tampa' pakkorobangnganga nampa appala' doang angkana, “O Batara, Allata'ala nasombaya Abraham, Ishak siagang Yakub, Kipa'nyatai kamma-kamma anne angkanaya iKattemi Allata'alana Israel, siagang inakke anne atanTa. Kipa'nyata tongi angkanaya sikontu anne apa kugaukanga lanri parentaTa.

1 KARAENG-KARAENG 8:57

Poro Narurungangki' Karaeng Allata'alata, sangkamma NarurunganNa boe-boeta. Poro tena lalo naNabokoiki'.

1 PATTOTTORANG 29:10

Ri dallekanna anjo tujaia mammujimi Daud ri Batara. Nakana, “O Karaeng Allata'ala nasombaya Yakub boe-boena ikambe, nipujimaKi' sa'genna satunggu-tungguna!

1 PATTOTTORANG 29:13

Kamma-kamma anne, o Allata'alana ikambe, appala' sukkuruki ikambe mae ri Katte, siagang mammuji ikambe ri areng mala'biritTa.

2 PATTOTTORANG 20:6

siagang assa'ra lompomi appala' doang angkana, “O Batara, Allata'alana boe-boena ikambe! IKatte Allata'ala ri suruga siagang ammarentaya mae ri sikontu bansa niaka ri tompo'na buttaya. IKatteji bawang makoasa siagang makassa'; tena manna sitau akkulle angngewaKi'.

PAMMUJI 21:2

O, Batara, ma'rannui karaenga lanri Kisarena kagassingang; ma'reja-rejai lanri Kisarena pammetang!

PAMMUJI 21:4

BattuKi' mange ri ia siagang barakka' alla'bi-la'bi, naKipipakei songko' karaeng bulaeng tompo' ulunna.

PAMMUJI 25:14

Batara belana tu mappilangngeria, Napappiassengangi ri ke'nanga apa Nakaerokia.

PAMMUJI 50:14

Assare mako koro'bang sukkuru' mae ri Allata'ala, rupai janjinnu mae ri Kaminang Tinggia.

KALAPPASSANG 3:15

Kabarrang tongi angkanaya iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, ansuroko mae ri ke'nanga. INakke Batara, iaminjo arengKu sa'genna satunggu-tungguna. Iaminjo nisa'bukanga' ri sikontu bansaya sa'genna sikontu bija-bijanna.

PANGNGEBARANG 21:22

Tau cara'deka akkullei naalle kota nijagaia ri tantara barani; naruntungi pattahangngang napattoanga ke'nanga.

PANGNGEBARANG 24:5

Tau cara'deka la'bi nikangalikangi na tau kassaka; pangngassenganga la'bi paralluangngangi na kagassinganga.

PANGNGEBARANG 8:14

Inakkemi assare pikkirang. Na inakke todong ampa'rupai. Inakke cara'de' na kugassing todong pole.

KATO'BA 7:19

Kacara'dekanga napa'jari taua poreangngang na sampuloa tukoasa ri se'rea kota.

KATO'BA 9:16

Jari, annabami panggappaku angkanaya la'biangngangi kacara'dekanga na kagassinganga. Mingka manna nakamma, kacara'dekanna tu kasi-asia tena nijampangi. Tena niparhatikangi kana-kananna.

KATO'BA 9:18

A'matu-matuangngangi kacara'dekanga kala sanjataya, mingka silisere' tai balao anra'massi je'ne' sigumbang.

YESAYA 12:1

Lania' sallang se're wattu nukkelong: “O, Batara, appala' sukkurukka' mae ri Katte lanri Kisaleoringku. Riolo larroKi' mae ri nakke, mingka kamma-kamma anne ammarimi larroTa.

YEREMIA 33:3

“Akkiokko mae ri Nakke, na Kulappiali; laKupauangko apa-apa ga'gaya siagang appakalannasaka, ia tenayapa nanuassengi.

DANIEL 1:17

Allata'ala Nasarei anjo appaka turungka iamintu pangngassengang siagang kacara'dekang lalang a'rupa-rupa pangngassengang bicara siagang pangngassengang maraengannaya. Pantaranganna anjo Daniel Nasare tongi kacara'dekang untu' ampakasingaraki battuanna pappiso'naya siagang paccinika.

DANIEL 2:18

Nasuromi ke'nanga appala' doang mae ri Allata'ala ri suruga sollanna mangngamaseang mae ri ke'nanga na Nasungke rahasiana anjo so'naya. Lanri kammana anjo tenamo nanihukkung matei ke'nanga siagang kabusu' sikamma tau cara'de' maraenganga.

AMOS 3:7

Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

LUKAS 10:21

Anjo wattua rannumi nyawaNa Isa lanri nipantamakki ri RohNa Allata'ala. Nakanamo Isa ri ManggeNa, “O ManggeKu, Batarana langika siagang buttaya! Appala' sukkurukKa' ri Katte, lanri Kicokkoangi anne rahasiaya mae ri tau cara'deka siagang tau niaka pangngissenganna. Mingka Kipappiassengangi mae ri tau tenaya sikolana. Iaminjo Kikarannuanga ri atinTa.

YOHANES 11:41

Jari napalesammi ke'nanga anjo batua. Nampa acconga Isa nai' ri langika na nakana, “Tarima kasi', Bapa', lanri Kipilangngerinna pappalakKu.

YOHANES 15:15

Tenamo naKukio' atako nasaba' se'rea ata tanaassengai apa nagaukanga karaenna. Kukio' sari'battang mako, nasaba' sikontu apa Kulangngereka battu ri Manggea Kupabattui mae ri kau.

PAPPICINI' 1:1

Ia bonena anne Kittaka, iamintu apa-apa le'baka Napappicinikang Isa Almasi ri passala'na sikontu apa-apa lakajarianga sallang. Napappiassengangi Allata'ala mae ri Almasi sollanna Napabattu Almasi mae ri sikontu atanNa Allata'ala apa-apa tenayamo nasallo namusti kajariang. Nasuromi Almasi a'lampa malaeka'Na mae ri atanNa, iamintu Yohanes, untu' ampappiassengangi mae ri ia anjo apa-apa lakajarianga.

PAPPICINI' 5:5

Nampa nakanamo kalase'renna anjo pamimpinga mae ri nakke, “Teako angngarruki! Ciniki! Ammetami anjo singa battua ri suku Yehuda, sossorang lompona Daud. Akkullei Nareppe' anjo segeleka siagang Nasungke anjo kittaka.”