DANIEL 2:19 - KITTA' MATANGKASA'

¹⁹ Anjo memang bangngia Napaumi Allata'ala rahasiana anjo so'naya mae ri Daniel lalang se're paccini'. Jari mammujimi Daniel mae ri Allata'ala niaka ri suruga,

DANIEL 2:19 Iomraidhean Croise

AYUB 4:13

Naricui tinroku na kunaganggu, sanrapang asso'na kodi ri lantang bangngia.

PAMMUJI 25:14

Batara belana tu mappilangngeria, Napappiassengangi ri ke'nanga apa Nakaerokia.

DANIEL 1:17

Allata'ala Nasarei anjo appaka turungka iamintu pangngassengang siagang kacara'dekang lalang a'rupa-rupa pangngassengang bicara siagang pangngassengang maraengannaya. Pantaranganna anjo Daniel Nasare tongi kacara'dekang untu' ampakasingaraki battuanna pappiso'naya siagang paccinika.

DANIEL 2:22

Ia assungkei rahasia kaminang lantanga. Naassengi sikontu apa kajarianga lalang ri sassanga. Nikalimbuki ri caya singaraka.

DANIEL 4:26

Naparentakangi sikamma malaekaka sollanna niboli' tonasa'na anjo poko' kayua lalang ri buttaya. Anjo battuanna angkanaya la'jari karaengi ammotere' karaengku, punna kianimo angkanaya Allata'ala angkoasai sikontu linoa.

DANIEL 4:9

“He, Beltsazar, pamimpinna tau cara'deka, kuassengi angkanaya ikau nikoasaiko ri rohna rewata-rewata matangkasaka, sa'genna tena rahasia taccokko mae ri kau. Pilangngeri anne so'naku, siagang pakasingaraki battuanna.

DANIEL 7:7

Lalang kuparhatikanna anjo, nia'mo ammumba olo'-olo' makaappa'. Sanna' kassa'na siagang heba'na, kammayatompa appakamalla'-mallaki nicini'. Gigi-giginna lompoi siagang kassaki kamma bassi; iaminjo napake angkokkoki siagang allicaki apa-apaya, nampa naonjo'-onjokang sesanna. Sisalai siagang anjo olo'-olo' rioloangannaya, nasaba' ia sampuloi tanru'na.

AMOS 3:7

Tena le'bakai Batara Kaminang Tinggia anggaukang apa-apa punna tena Napa'nyatai rancanaNa mae ri sikamma na'bia, ata-atanNa.

PAMMILANGNGANG 12:6

na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

YOSUA 22:33

Jari sannammi nyawana umma' Israel mae ri anjo passalaka, sa'genna mammuji-mujimo ke'nanga mae ri Allata'ala. Tenamo nasero kanai pole anjo passala' ero'na ke'nanga ambunduki tu Ruben siagang tu Gad, siagang untu' angngancuruki pa'rasanganna ke'nanga.