DANIEL 2:18 - KITTA' MATANGKASA'

¹⁸ Nasuromi ke'nanga appala' doang mae ri Allata'ala ri suruga sollanna mangngamaseang mae ri ke'nanga na Nasungke rahasiana anjo so'naya. Lanri kammana anjo tenamo nanihukkung matei ke'nanga siagang kabusu' sikamma tau cara'de' maraenganga.

DANIEL 2:18 Iomraidhean Croise

PA'JARIANG 18:28

Mingka barang nia' patampulo allima tau bawang tena salana, jari tanggannakkai limampulo. Maka laKipanrakki sikontu anjo kotaya lanri sisala limana bawang anjo tau tenaya salana?” Nakanamo Batara, “TalaKupanrakiai anjo kotaya ebara' angkana nia' Kugappa anjoreng patampulo allima tau tena salana.”

PAMMUJI 136:26

Sukkurukko mae ri Allata'ala makoasaya ri langika; pangngamaseanNa sa'genna satunggu-tungguna.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

YESAYA 37:4

Nasuroi karaeng Asyur perwira tantarana untu' anghinai Allata'ala mattallasaka. Inai angngassengi, gassingka Nalangngereki Karaeng Allata'ala anjo panghinaanga na Nahukkung tau ampasulukai anjo kana kammaya! Lanri kammana anjo appala' doang laloko mae ri Allata'ala untu' sikamma tau attallasaka ija.”

YEREMIA 33:3

“Akkiokko mae ri Nakke, na Kulappiali; laKupauangko apa-apa ga'gaya siagang appakalannasaka, ia tenayapa nanuassengi.

YEHEZKIEL 36:37

Nakana Batara Kaminang Tinggia, “He bansa Israel, Kupa'biang mako ammotere' appala' tulung mae ri Nakke; laKutambai jainu, sanrapang pa'rappungang gimbalaka jaina.

DANIEL 2:23

O, Allata'ala napakalompoa boe-boeku, iKattemi kupuji siagang kupakala'biri'. Nasaba' Kisarea' kacara'dekang siagang kagassingang. Kiturukianga' pappalakku. Siagang Kipicinikiamma' pappialia mae ri karaenga.”

DANIEL 3:17

Punna akkulle Allata'ala nasombaya ikambe ampasalamaki ikambe battu ri anjo pepe' a'rinra-rinraya siagang battu ri kakoasanna karaengku, mattantu Nagaukangi.

DANIEL 4:26

Naparentakangi sikamma malaekaka sollanna niboli' tonasa'na anjo poko' kayua lalang ri buttaya. Anjo battuanna angkanaya la'jari karaengi ammotere' karaengku, punna kianimo angkanaya Allata'ala angkoasai sikontu linoa.

YUNUS 1:9

Appialimi Yunus angkana, “Inakke tu Ibrani. Anynyomba' ri Batara, Allata'ala ri suruga, ampa'jariai tamparanga siagang bontoa.”

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”

MATIUS 18:12

Alarapanna, nia' sitau ammallaki sapi sibilangngang kayunna. Na punna tappela' sikayu, maka apa lanagaukang anjo taua? Antekamma panggappanu? Mattantu lanaboliki anjo sapinna salapampuloa assalapang ri bontoa, nampa a'lampa amboyai anjo sapinna sikayua tappelaka.

MATIUS 18:19

Kammayatompa asseng tongi angkanaya: Punna nia' rua tau ri kau assamaturu' ri apa-apa mamo nampa appala' doang ri Allata'ala laNatarimai ManggeKu ri suruga pappala'na.

LAMPA-LAMPANA 12:4

Ri wattunna nijakkala'mo Petrus nipantama'mi ri tarungkua. Nia' appa' regu tantara nisuro anjagai Petrus – tasse're-se're regu, nia' appa' anggota tantara. Le'bappi passua'-suarrang allo Paskaya, nampa laniadeli Petrus ri Herodes, ri dallekanna tau jaia.

ROMA 15:30

Lanri Batarata Isa Almasi, siagang lanri pangngamaseang RohNa Allata'ala, sanna' kupala'na mae ri kau ngaseng sollannu amminawang ngaseng todong attojeng-tojeng siagang inakke appala' doang mae ri Allata'ala.

2 PETRUS 2:9

Jari Naassengi Batara angkanaya antekamma batena ampasalamaki tau eroka mannuruki ri ero'Na, punna nadallekangi sikamma paccobaya. Siagang Naassengi Batara angkanaya antekamma batena amboliki sikamma tau ja'dalaka, sollanna akkulle nisessa sallang ri Allonna Pangadelanga,

1 SAMUEL 17:37

Napasalama'mi Batara atanta battu ri singa siagang beruang. Iatommi lampasalamaki atanta battu ri anjo tu Filistinga.” Nakanamo Saul ri ia, “Baji'mi, poro Natulung laloko Batara.”