DANIEL 12:9 - KITTA' MATANGKASA'

⁹ Appialimi angkana, “A'lampamako kamma-kamma anne Daniel, nasaba' anne kana-kanaya musti nicokkoi siagang nirahasiakangi sa'genna kala'busang jammanga.

DANIEL 12:9 Iomraidhean Croise

YESAYA 29:11

Taccokkomi battuanna sikamma pangunjuka mae ri kau, rapang kitta' nitongko' jarreka. Punna nierang anjo kittaka mae ri tau angngassenga ammaca sollanna nabacakangko, lanakana takkulleai, lanri nitongkoki anjo kittaka.

YESAYA 8:16

Ikau ngaseng, ana'-ana' gurungku, musti nuboliki siagang nuparakai sikamma pasang Napassareanga Allata'ala mae ri nakke.

DANIEL 10:14

Battua' untu' ampipahangngiangko apa lakajarianga sallang mae ri bansanu. Anne paccinika, iamintu passala'na allo labattua sallang.”

DANIEL 11:40

Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.

DANIEL 12:4

Nampa nakana pole anjo malaekaka ri nakke, “Daniel, tongkoki anjo kittaka kamma-kamma anne, siagang sarei segele' sollanna tuli tattongko' sa'genna ri kala'busang jammanga. Jai tau ansalidiki apa niaka kajariang. Mingka anjo usahana ke'nanga latena sikali matu-matunna.”

DANIEL 12:8

Sikontu anjo apa napaua memang kulangngereki, mingka tena nakupahangi. Nampa akkuta'nanga' angkana, “O karaeng, antekamma batena lakala'busang yangasenna anne?”

DANIEL 8:26

Anjo paccini'nu ri passala'na koro'bang karuenga siagang bari'basaka, le'bakamo nipakasingara' battuanna mae ri kau, ma'nassa lakajariang tojeng-tojengi. Mingka yangasenna anjo kammaya lakajariangi ri allo labattua, iamintu jammang bellaya ija; jari teako caritai manna pole ri se'reang tau.”

PAPPICINI' 10:4

Assa'rana anjo gunturuka, ero'mi kutulisi'; mingka nia'mo kulangngere' sa'ra battu ri suruga angkana, “Rahasiakangi anjo apa napaua anjo tujua gunturu', teako tulisiki!”