DANIEL 12:7 - KITTA' MATANGKASA'

⁷ Anjo maraenganga naangkaki rua-rua limanna nai' ri langika. Kulangngereki assumpa lanri Allata'ala mannannunganga siagang nakana, “Anjo sikamma kajarianga lanarapiki sa'genna tallu sitangnga taung. Punna le'ba'mo passessaya ri umma'Na Allata'ala, lakala'busang tommi anjo sikamma kajariang appakalannasaka.”

DANIEL 12:7 Iomraidhean Croise

YESAYA 62:12

Lanigallaraki ke'nanga: ‘Umma' Matangkasa'’; ‘Umma' nipasalamaka ri Batara’. Yerusalem lanigallaraki ‘Kota ninyonyoka ri Batara’, ‘Kota tenayamo nanibokoi ri Batara’.

YEREMIA 4:2

Punna assumpako lanri arengKu siagang lambusukko nuadele' siagang tojeng lalang tallasa'nu, lanapalaki sikontu bansaya sollanna Kubarakkaki ke'nanga, kammayatompa lamammuji ke'nanga mae ri Nakke.”

YEHEZKIEL 20:5

Pabattui anne apa Kupaua. Le'baki Kupile Israel siagang assumpa mae ri ke'nanga. Ri Mesir, Kupa'nyatai KalengKu mae ri ke'nanga na Kukana, ‘INakkemi Bataranu.’

DANIEL 10:5

Acconga' nania' kucini' sitau ammake pakeang lenang siagang passikko' aya' bulaeng ti'no'.

DANIEL 11:13

Makapinruanna karaeng pa'rasangang waraka lappasadiai pasukang lompo, ba'lalo la'bi lompoangngang naanjo rioloa. Punna narapi' wattunna, la'gioki maju siagang pasukang lompo kammayatompa jai sikalia pakkakasa' bundu'na.

DANIEL 12:6

Anjo se'reanga akkuta'nangi ri anjo ammentenga la'bi ambania mae ri ulunna binangaya angkana, “Angngapapi nalammari anne kajariang-kajariang appakalannasaka?”

DANIEL 12:8

Sikontu anjo apa napaua memang kulangngereki, mingka tena nakupahangi. Nampa akkuta'nanga' angkana, “O karaeng, antekamma batena lakala'busang yangasenna anne?”

DANIEL 4:31

Tenapa nakupuppusu' a'bicara nania'mo sa'ra kulangngere' battu ri langika, angkana, “He Karaeng Nebukadnezar, pilangngeri anne! Kakoasannu salaku karaeng niallemi battu ri kau.

DANIEL 4:34

Ri wattunna allalomo anjo wattu tuju taunga sallona, accongama' nai' ri langika, nampa ammotere'mo pangngu'rangingku. Jari kupujimi Allata'ala Kaminang Tinggia. Kupakalompoi siagang kupakala'biriki anjo Allata'ala mattallasaka mannannungang. “Allata'ala la'jari Karaeng untu' satunggu-tungguna. Ia makoasa ri sikontu jammanga.

DANIEL 7:21

Ri wattunna kuparhatikang, a'bunduki anjo tanruka siagang umma'Na Allata'ala siagang nabetai ke'nanga.

DANIEL 7:25

Bicaranna langngewai ri Allata'ala Kaminang Tinggia siagang lanajallakkangi umma'Na Allata'ala. Eroki napinra sikamma hukkung-hukkung siagang allo lompona agamana umma'Na Allata'ala, siagang lanikoasai ke'nanga lalang tallu assitangnga taung.

DANIEL 8:14

Kulangngereki malaeka' se'rea pole appiali angkana, “Sa'genna 1.150 allo. Lalang sikammaya anjo sallona tena nipassareangi koro'bang karuenga siagang bari'basaka. Le'bappi anjo nampa lanibajiki balla' ibadaya.”

DANIEL 8:24

La'jari kassa' sikali, mingka teai lanri kakassakang kalenna. Lappabattui kapanrakang appakamalla'-mallaka, siagang manna pole apa nagaukang anjari kabusuki pattujunna. Lanapanraki sikamma tau porea siagang umma'Na Allata'ala.

LUKAS 21:14

Pakajarreki pa'mai'nu, sollanna tena nularanggasela angkanaya apa lanupau angngalleangi kalennu.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

PAOLE 26:19

LaNapa'jari malompoangangko Batara na sikontu bansa maraeng le'baka Napa'jari, kammayatompa lanipujiko siagang lanipakalompoko. La'jariko umma'Na Karaeng Allata'ala, sangkamma le'baka Napa'janjiang.”

PAOLE 32:36

LaNapasalamaki Batara bansaNa na Nakamaseang sikamma atanNa, punna tenamo pakkullena nacini' ke'nanga, nala'busu'mo kitta' magassinna.

PAOLE 32:40

INakke tojeng-tojemmi Mattallasaka, iNakke Allata'ala, Kuangkaki limangKu naKuassumpa:

PAOLE 7:6

Gaukangi anjo kammaya lanri ikau Karaeng Allata'alanu ampatangko. Battu ri sikontu bansaya ri anne linoa, ikaumi Napile Karaeng Allata'alanu untu' a'jari umma'Na kaminang Nangaia.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

PAPPICINI' 12:14

Mingka nisaremi anjo bainea rua ka'nyi' jangang-jangang rajawali lompoa sollanna anri'ba' mae ri tampa'na ri parang lompoa; anjoremmi laniparakai tallun taung assitangnga sallona, sa'genna a'lilimo battu ri anjo nagaya.

PAPPICINI' 12:6

Jari larimi anjo bainea mange ri parang lompoa, ri tampa' le'baka nipasadiangi ri Allata'ala. Anjoremmi ri tampaka laniparakai 1260 allo sallona.

PAPPICINI' 13:5

Nilappassammi anjo olo'-oloka ampaui bicara-bicara sannaka tampona siagang anghinai Allata'ala. Nipa'biammi ammarenta patampulo anrua bulang sallona.

PAPPICINI' 4:10

su'ju'mi anjo pamimping ruampuloa angngappa', mae ri anjo ammempoa ri empoang kala'birang, nampa anynyomba mae ri Ia anjo mattallasaka sa'genna satunggu-tungguna. Nampa napasambila ke'nanga massing songko'na mae ri dallekanna anjo empoang kala'biranga, nangkana,

PAPPICINI' 4:9

Anjo appaka anu attallasa' akkelongi lagu-lagu pammuji, pappakala'biri' siagang kasukkurang mae ri Ia ammempoa ri anjo empoang kala'biranga, iamintu Ia attallasaka sa'genna satunggu-tungguna. Na ri wattunna akkelong anjo anu attallasaka,