DANIEL 11:8 - KITTA' MATANGKASA'

⁸ Ri wattunna ammotere' mange ri Mesir, lanaerangi patunna rewatana musunna siagang pakkakasa' bulaeng siagang pera' le'baka nipassareang mae ri anjo rewataya. Siapa are taung sallona tena nalanabunduki karaenna anjo pa'rasangang waraka.

DANIEL 11:8 Iomraidhean Croise

PA'JARIANG 31:30

Kuassengi angkanaya a'lampako lanri ero' duduko ammotere'. Mingka angngapa nulukkaki patung pajaga kaluargaku?”

2 SAMUEL 5:21

Larimi tu Filistin, siagang tenamo nasawe angngerangi sikamma patung-patung barhalana ke'nanga. Niallemi ri Daud siagang ana' buana anjo patung-patunga.

KALAPPASSANG 12:12

Anjo bangngia laKujappai sikontu butta Mesir, nampa Kubuno sikontu ana'-ana' bura'ne toaya, baji' rupataua, kammayatompa olo'-oloka. LaKuhukkungi sikontu rewatana Mesir, lanri iNakkeji bawang Batara.

YESAYA 2:16

Sikamma kappala' lompoa siagang kaminang ga'gaya lanitallangngang ngasengi.

YESAYA 37:19

Sikamma rewatana ke'nanga natunu tommi siagang naancuru' tommi, lanri sikamma anjo rewataya tena sikali koasana. Anjo rewataya poro patung kayuji siagang patung batuji, bate pare' rupatau.

YEREMIA 46:25

Batara Kaminang Koasaya, iamintu Allata'alana Israel, Nakana, “LaKuhukkungi Amon, rewata battua ri Tebe, siagang sikontu Mesir kammayatompa rewata-rewatana siagang sikamma karaenna. Karaeng Mesir siagang sikontu tau ampattoangai

DANIEL 10:3

Lalang anjo sikammaya sallona tena nakungnganre kanre nyamang siagang dageng; tena kungnginung anggoro', siagang tena todong kujangkai uukku.

DANIEL 11:9

Nampa la'bakka anjo karaeng battua ri anjo pa'rasangang bageang waraka mange ambunduki anjo pa'rasangang bageang timboroka; mingka nitunrungi sa'genna nipaono' boko, nampa ammotere' mange ri pa'rasangang kalenna.

HOSEA 13:15

Manna pole coppong bansa Israel rapang ruku' coppong, mingka lappabattuA' anging bambang battu iraya ri parang lompoa. Anjo anginga lampakalotoroki sikontu timbuseng je'neka siagang bungunga, sa'genna lanynya' kabusu'mo apa-apa niaka anggaranna.

HOSEA 8:6

Anjo sapi bulaeng nisombaya ri Samaria bate pare'na sikamma tau cara'de'na tu Israel! Anjo kammaya teai Allata'ala, siagang musti niancuruki!

PAMMILANGNGANG 33:4

sitabanga antarawangi ana'-ana' bungasa'na ke'nanga, ia le'baka nibuno ri Batara. Lanri iaminjo gau'na, na Napa'buttimo Batara angkanaya Ia la'bi kassa' kala rewata-rewatana tu Mesir.

PAOLE 12:3

Rumbangi sikamma tampa' pakkoro'bangnganna ke'nanga siagang allei lissarrang sikamma benteng batu nakanaya karamaki ke'nanga. Tunui gamba'-gambara'na Rewata Asyera siagang ancuruki patung-patung barhalana ke'nanga, sa'genna tenamo nakkulle nisomba poleang anjo rewata-rewata ri sikamma anjo tampaka.

HAKING-HAKING 18:24

Appialimi Mikha angkana, “Nulariangi patung-patungku siagang imanna, sa'genna tenamo apa-apangku, nampa nukana ‘Apa kutadeng?’ ”