DANIEL 11:7 - KITTA' MATANGKASA'

⁷ Tasalloai le'ba'na anjo, nia' sitau assibijaya siagang anjo bainea a'jari karaeng. Lanabunduki tantarana karaeng battua ri anjo pa'rasangang waraka, namajui pattahanganna sa'genna nabeta.

DANIEL 11:7 Iomraidhean Croise

AYUB 14:7

Nia' ija panrannuanna poko' kayu nita'banga; laccu'la' poleangi, nampa attangke.

PAMMUJI 109:8

Boli'mi kamma linta' la'busu' tallasa'na, nampa nialle pangka'na ri tau maraeng.

PAMMUJI 55:23

Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.

YESAYA 11:1

Turunganna Karaeng Daud rapangi poko' kayu le'baka nita'bang. Mingka sanrapang attimbona pole cu'la' berua battu ri tonasa'na, kamma tomminjo lania' sitau karaeng lammumba battu ri turunganna Daud.

YESAYA 9:14

Ulunna, iamintu tutoa-toana siagang tunipakalompona, na ingkonna iamintu sikamma na'bi assarea pangngajarang sala.

YEREMIA 12:2

Kilamungi ke'nanga rapang lamung-lamung, nampa angngaka' ke'nanga, attimbo, siagang a'rappo. Tuli nabicara bajitTa ke'nanga, mingka lalang atinna, sikontutojenna tena najampangiKi'.

YEHEZKIEL 17:18

Lanri nadakkaina sumpana siagang parjanjianna, takkulleai napata'lappasa' kalenna.

DANIEL 11:40

Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.

DANIEL 11:6

Siapa are taung ribokoanganna lanapakase'rei kalenna karaeng niaka ri bageang timboro' siagang karaeng niaka bageang wara', siagang napa'buntingi ana'na bainea siagang anjo karaeng ri pa'rasangang bageang waraka. Mingka tena nattahang anjo kakaraengang ampakase'reai kalenna. Anjo ana' bainea lanibunoi, kammayatompa bura'nenna, ana'na siagang ata-atanna niaka anrurungangi.

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

LUKAS 12:20

Mingka Nakanamo Allata'ala ri ia, ‘E tolo! Anne bangngia lamate mako; jari inai langngalle ngasengi anjo barang-barang le'baka nupasse're untu' kalennu?’