DANIEL 11:6 - KITTA' MATANGKASA'

⁶ Siapa are taung ribokoanganna lanapakase'rei kalenna karaeng niaka ri bageang timboro' siagang karaeng niaka bageang wara', siagang napa'buntingi ana'na bainea siagang anjo karaeng ri pa'rasangang bageang waraka. Mingka tena nattahang anjo kakaraengang ampakase'reai kalenna. Anjo ana' bainea lanibunoi, kammayatompa bura'nenna, ana'na siagang ata-atanna niaka anrurungangi.

DANIEL 11:6 Iomraidhean Croise

AYUB 38:15

Ta'lalo singara'na alloa mae ri tau tenaya Batarana, na natahang ke'nanga anggaukangi katerassanga.

PAMMUJI 10:5

Anjari ngaseng sikontu usahana tu ja'dalaka; tanaassengai yareka tanapahangai hukkunNa Batara na nacini' tuna sikontu balinna.

YEHEZKIEL 30:21

“He tau, le'ba'mi Kutepo' paling-palinna karaeng Mesir, siagang tena ansikkokangi anjo paling-palinna yareka angngurukangi sollanna baji' ammotere' siagang gassing ammotere' anna'gala' pa'dang.

DANIEL 11:13

Makapinruanna karaeng pa'rasangang waraka lappasadiai pasukang lompo, ba'lalo la'bi lompoangngang naanjo rioloa. Punna narapi' wattunna, la'gioki maju siagang pasukang lompo kammayatompa jai sikalia pakkakasa' bundu'na.

DANIEL 11:15

Nampa anjo karaeng pa'rasangang waraka lanakurungi se'rea kota niaka pattahanganna nampa nabeta. Tena nalakkulle attahang tantarana pa'rasangang timboroka; manna pasukang nipilea tena todong nakkulle langngewa.

DANIEL 11:40

Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.

DANIEL 11:7

Tasalloai le'ba'na anjo, nia' sitau assibijaya siagang anjo bainea a'jari karaeng. Lanabunduki tantarana karaeng battua ri anjo pa'rasangang waraka, namajui pattahanganna sa'genna nabeta.

ZAKHARIA 11:16

Nasaba' nia' sitau pakalawaki laKusuro untu' anjagai sikamma gimbalakKu, mingka tena najampangi gimbala' tappelaka; tena naboyai gimbala' sala oloanga, tena todong naballei gimbala' bokkaka, kammayatompa tena nasarei kanre gimbala' attallasaka ija. Ba'lalo ia kalenna angkanrei dagenna gimbala' kaminang co'moka siagang nabi'buki sikamma kanukunna anjo olo'-oloka.