DANIEL 11:40 - KITTA' MATANGKASA'

⁴⁰ Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.

DANIEL 11:40 Iomraidhean Croise

YESAYA 21:1

Iaminne pappasang ri passala'na Babel: Rapang anging puttusu' ammarrunga allalo ri parang lompoa, kammaminjo kabattuanna bala lompoa battu ri pa'rasangang hebaka.

YESAYA 5:28

Ciduki ana' panana na sadiamo anrong panana ero' appabuccu'. Kanuku jaranna kamma batu pepe' terasa'na, siagang roda karetana tapputaraki rapang anging puttusu'.

YESAYA 66:15

Tojeng, labattui Batara siagang pepe'; laNadongkoki karetaNa rapang anging lompo, untu' ampa'betteseki kalarroanNa, siagang angga'gara' lompo.

YEREMIA 4:13

Ciniki, ammumbami musua sanrapang rammang. Kareta-kareta pa'bundu'na rapangi anging barubu, jarang-jaranna gassingangngangi larina najangang-jangang rajawali. Cilaka maki'! Panra' maki'!

YEHEZKIEL 38:4

LaKupalekkoi, laKupitabai pakkai' cango-cangona, nampa Kupasinta' assulu' siagang sikontu pasukanna. Jai sikali pasukang a'jaranna, ammakeang sangkamma-kammaya. Tunggala' tantarana massing angngerangi pannangkisi' siagang pa'dang.

YEHEZKIEL 38:9

Ia siagang tantarana siagang jaia bansa anrurungangi labattui ambunduki, rapang anging lompo battua ambunduki siagang rapang rammang antongkoki sikontu anjo pa'rasanganga.”

DANIEL 11:10

Nampa ana'-ana' bura'nena anjo karaeng niaka ri pa'rasangang wara' lasadia-sadiai untu' a'bundu'; appasadiami tantara jai. Kalase'renna battu ri ke'nanga lamaju rapang a'ba. Lalang a'bakka makapinruanna nabunduki pattahanganna musua.

DANIEL 11:11

Jari larromi karaenna anjo pa'rasangang timboroka; majumi a'lampa ambunduki anjo karaenna pa'rasangang waraka. Na nabetamo anjo tantara jai nipagioka ri karaeng pa'rasangang waraka.

DANIEL 11:13

Makapinruanna karaeng pa'rasangang waraka lappasadiai pasukang lompo, ba'lalo la'bi lompoangngang naanjo rioloa. Punna narapi' wattunna, la'gioki maju siagang pasukang lompo kammayatompa jai sikalia pakkakasa' bundu'na.

DANIEL 11:22

Sikontu tantara angngewaya ri ia, ba'lalo manna pole Imang Lompoa lanabarrasa' kabusuki sa'genna putta.

DANIEL 11:25

Nampa labaranimo appasadia pasukang lompo untu' ambunduki karaeng pa'rasangang timboroka, ia sadiaya tommo untu' angngewai siagang tantara kassa' na sanna' jaina. Mingka tena nalattahang karaeng pa'rasangang timboroka lanri lanitipui.

DANIEL 11:35

Sipa'gang battu ri anjo pamimping-pamimping cara'deka lanibunoi, mingka anjo kammaya a'jari paccobai mae ri umma'Na Allata'ala sollanna a'jari matangkasa' ke'nanga. Anjo kammaya lakajariangi sa'genna narapi' kala'busang jammanga, iamintu jammang le'baka Napattantu Allata'ala.

DANIEL 11:39

Lanapilei tau anynyombaya ri rewata maraeng, untu' ambunduki pattahangngang-pattahangngang kassaka. Inai-nai angngani anjo rewataya lanasarei kalompoang siagang empoang tinggi kammayatompa butta a'jari hadia.

DANIEL 11:7

Tasalloai le'ba'na anjo, nia' sitau assibijaya siagang anjo bainea a'jari karaeng. Lanabunduki tantarana karaeng battua ri anjo pa'rasangang waraka, namajui pattahanganna sa'genna nabeta.

DANIEL 12:4

Nampa nakana pole anjo malaekaka ri nakke, “Daniel, tongkoki anjo kittaka kamma-kamma anne, siagang sarei segele' sollanna tuli tattongko' sa'genna ri kala'busang jammanga. Jai tau ansalidiki apa niaka kajariang. Mingka anjo usahana ke'nanga latena sikali matu-matunna.”

DANIEL 12:9

Appialimi angkana, “A'lampamako kamma-kamma anne Daniel, nasaba' anne kana-kanaya musti nicokkoi siagang nirahasiakangi sa'genna kala'busang jammanga.

DANIEL 8:17

Jari Gabriel, anjo ammentenga ri dallekangku a'reppese'mi mae ri nakke. Sanna'mi malla'na kusa'ring, sa'gengku anra'ba. Nakanamo Gabriel ri nakke, “He tau, musti nuassengi battuanna anjo apa nucinika, angkanaya anjo passala'na kala'busang jammanga.”

HABAKUK 3:14

Pana-panaTa natarrusuki pamimpinna pasukang balia ri wattu battuna tantarana kamma anging lompo kassa'na, sollanna nipatassimbung-simbung ikambe. Sannang nyawana ke'nanga ammakkala' kamma tau a'mere'-merekia anjallakkangi tau kakuranganga.

ZAKHARIA 9:14

LaNapappicinikangi KalenNa Batara mae ri umma'Na, sanrapangi kila' nipabuccu' ana'-ana' panaNa. Batara Kaminang Tinggia lappasa'ra' tarompe' pammatei maju a'bundu', nampa a'jappa maju lalang anging barubu battu timboro'.

PAPPICINI' 16:12

Le'baki anjo natumpami bonena pammoneanna anjo malaeka' makaannanga naung ri Binanga lompoa, iamintu Efrat. A'jari kalotoro'mi anjo binangaya sa'genna a'jappamo sikamma karaeng battu rayaya angngolo anjoreng.

PAPPICINI' 9:16

Nipauamma' angkana nia' ruambilangngang juta jaina anjo pasukang a'jaranga.