DANIEL 11:25 - KITTA' MATANGKASA'

²⁵ Nampa labaranimo appasadia pasukang lompo untu' ambunduki karaeng pa'rasangang timboroka, ia sadiaya tommo untu' angngewai siagang tantara kassa' na sanna' jaina. Mingka tena nalattahang karaeng pa'rasangang timboroka lanri lanitipui.

DANIEL 11:25 Iomraidhean Croise

PANGNGEBARANG 15:18

Tau lintaka larro appaumbai pa'beserang, tau sa'baraka angngerangi passiamakkang.

PANGNGEBARANG 28:25

Punna kaparalluang kaleaji nicinikiang lappaumbai pa'beserang; la'bi upakkangngangko punna tappakko ri Batara.

DANIEL 11:10

Nampa ana'-ana' bura'nena anjo karaeng niaka ri pa'rasangang wara' lasadia-sadiai untu' a'bundu'; appasadiami tantara jai. Kalase'renna battu ri ke'nanga lamaju rapang a'ba. Lalang a'bakka makapinruanna nabunduki pattahanganna musua.

DANIEL 11:2

Siagang anjo apa lakupaua mae ri kau kammatojengi.” Nakana anjo malaekaka, “Tallu karaeng maraeng lammarenta ri Persia, nipinawang ri karaeng makaappa', iamintu la'bi kalumanynyanga na maraengannaya. Ri coppo' kakoasanna siagang kakalumanynyangnganna, la'gassing-gassingangi siagang kakaraengang Yunani.

DANIEL 11:40

Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.

DANIEL 11:5

Karaeng ri bageang timboroka la'jari kassa'. Mingka kalase'renna battu ri panglima-panglimana la'jari kassakangngang naia, siagang lammarentai ri kakaraengang lompoanganga pole.