DANIEL 10:9 - KITTA' MATANGKASA'

⁹ Ri wattunna kulangngere' sa'ranna, tenamo kungngu'rangi sa'gengku tu'guru' tattinompang ri buttaya.

DANIEL 10:9 Iomraidhean Croise

PA'JARIANG 15:12

Ri wattu appakkaramulanamo labu alloa, attinromi Abram. Ti'ring nibattuimi ri pakkasia' malla' dudua.

PA'JARIANG 2:21

Nampa Napa'jari attinromo Karaeng Allata'ala anjo taua. Nalalang attinrona, Napasulu'mi Karaeng Allata'ala kalase'renna buku rusu'na battu ri kalenna anjo taua, nampa natongko' ammotere' siagang dageng anjo bate pammantanganna buku rusu'na.

AYUB 33:15

Kamanna nyamang tinrona taua ri wattu bangngia, A'bicarai Allata'ala lalang so'na siagang paccini'.

AYUB 4:13

Naricui tinroku na kunaganggu, sanrapang asso'na kodi ri lantang bangngia.

KELONG MALA'BIRI' 5:2

Attinroa', mingka tattinroai nyawaku. Langngereki, a'de'deki pakke'bu' tanringku. Sungkeia' pakke'bu', andi', tanringku, bodobangkengku, nakate'neanga pa'maikku; basai ulungku napakamma saliu', uukku rassi atti'na saliu' bangngia.

DANIEL 10:16

Nampa anjo malaeka' a'rupataua napajonjoi limanna na nasero muncengku. Kukanamo ri ia, “O karaeng, anne paccinika nasessa sikalia' sa'genna tena sikalimo kagassingangku kusa'ring.

DANIEL 8:18

Lalang a'bicarana, a'jari tenamo kungngu'rangi. Mingka nata'galakka' nampa nabalia' ammenteng ammotere'. Nampa nakana,

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

LUKAS 22:45

Le'baki appala' doang, ammotere'mi Isa mae ri ana'-ana' gurunNa. Narapikammi ana'-ana' gurunNa attinro ngaseng napakamma sanna' ngaseng mangnganna.

LUKAS 9:32

Anjo wattua attinroi Petrus siagang agang-aganna. Mingka ti'ring ambangummi ke'nanga, na nacini'mo ke'nanga accaya Isa, ammenteng siagang anjo tau ruaya.

PAPPICINI' 1:17

Ri wattunna kucini', su'ju'ma' naung ri dallekanNa sangkamma tau matea. Mingka Napadongko'mi lima kananNa ri kalengku nampa Nakana mae ri nakke, “Teako mallakki! INakkemi uru-urua siagang iNakkemi kala'busanga.