DANIEL 10:6 - KITTA' MATANGKASA'

⁶ Accayai kalenna sangkamma paramata, rupanna kammai kila' singara'na, siagang matanna a'rinra-rinrai sangkamma pepe'. Paling-palinna siagang bangkenna accillaki sangkamma tambaga le'baka nikeso', na sa'ranna kammami nilangngere' sa'ra tau jai.

DANIEL 10:6 Iomraidhean Croise

KALAPPASSANG 28:20

Ri barrisi' makaappaka iamintu batu pirusu', batu yaku' siagang batu ratna campaka. Anjo sampuloa anrua batu paramata musti nisikkoki bulaeng.

KELONG MALA'BIRI' 5:14

Limanna ga'gai, accincing bulaeng siagang paramata, kalenna rapangi gading nisapu ri batu accilla'.

YEHEZKIEL 1:14

Anjo apa attallasaka a'gioki ke'nanga a'lampa kemae-kemae, sangkamma kila' gassinna a'gio'.

YEHEZKIEL 1:16

Anjo appaka roda sangkamma kabusuki siagang accillaki sangkamma batu paramata, kammayatompa massing nia' pole se're roda maraenna iamintu tappalanga ri tangnga-tangngana.

YEHEZKIEL 1:24

Punna anri'baki ke'nanga, kulangngereki sa'ra akkape-kapena ka'nyi'na; sa'ranna sangkammai sa'ra je'ne' tu'guruka battu ri tubiri', sangkamma sa'ra bangkenna tantara jaia, sangkamma sa'ranNa Allata'ala Kaminang Koasaya. Punna ammari ke'nanga anri'ba', massing nalappa'mi ke'nanga ka'nyi'na,

YEHEZKIEL 1:7

Bangkenna lambusuki siagang accillaki sangkamma tambaga le'baka nikeso'. Karemeng bangkenna nia' kanukunna sangkamma kanuku sapi liara'.

YEHEZKIEL 10:9

Kucini' tongi angkanaya anjo malaeka' akka'nyika massing nia' tasse'renna roda ri sa'rinna. Anjo appaka roda sangkammai tanja'na, accillaki rapang paramata ga'ga. Massing nia' roda maraenna, ia tappalanga ri tangnga-tangngana.

YEHEZKIEL 40:3

Naeranga' mange anjoreng, nampa nia' kucini' sitau bura'ne accilla' kamma tambaga ammenteng ri ampi'na pakke'bu' lompoa. Anna'galaki kucini' otere' pa'baku' battu ri kaeng lenang, siagang se're kayu pa'baku'.

YEHEZKIEL 8:2

Accongama' nai' nampa nia'mo kucini' apa kamma tau. Battu ri aya'na a'lampa naung kammai nicini' pepe', nampa battu ri aya'na a'lampa nai' accilla'-cillaki nicini' sangkamma tambaga nikesoka.

MATIUS 17:2

Anjoreng, ti'ring tappinrami rupanNa Isa ri dallekanna ke'nanga: a'jari singaraki nicini' rupanNa kamma matanna alloa. Kammayatompa accillaki pakeanNa lanri kebo'na.

MATIUS 28:3

Accayai rupanna nicini' anjo malaekaka kamma kila', na pakeanna sanna' sikali kebo'na.

LUKAS 9:29

Ri wattunna appala' doang Isa anjoreng, tappinrami rupanNa siagang pakeanNa a'jari accilla' sanna' kebo'na.

PAPPICINI' 10:1

Nampa nia' kucini' malaeka' maraeng sannaka gammara'na naung battu ri suruga. Nikalimbuki ri rammang, siagang nia' tarawe takkalu' ri ulunna. Accayai rupanna sangkamma mataallo, na bangkenna sangkammai benteng pepe'.

PAPPICINI' 19:12

MatanNa sangkammai pepe' a'rinraya siagang ri ulunNa ammakei jai songko' karaeng. Ri KalenNa nia'mo tattulisi' areng; siagang KalenNaji bawang angngassengi anjo arenga.

PAPPICINI' 2:18

“Untu' mae ri malaeka'na jama'ah Tiatira, tulisiki kamma anne: Iaminne pappasang battu ri Ana'Na Allata'ala, a'rinra-rinraya matanNa sangkamma pepe', siagang accayaya bangkenNa sangkamma tambaga nitunua.

PAPPICINI' 21:20

pundasi makalimaya battu ri batu baiduri sepa, makaannanga battu ri batu dalima, pundasi makatujua battu ri batu ratna campaka, pundasi makasagantujua battu ri batu pirusu', pundasi makasalapanga battu ri batu topasa', pundasi makasampuloa battu ri batu karisoparasa', pundasi makasampuloa asse're battu ri batu lasuardi, siagang pundasi makasampuloa anrua battu ri batu kacubung.