DANIEL 10:3 - KITTA' MATANGKASA'

³ Lalang anjo sikammaya sallona tena nakungnganre kanre nyamang siagang dageng; tena kungnginung anggoro', siagang tena todong kujangkai uukku.

DANIEL 10:3 Iomraidhean Croise

2 SAMUEL 19:24

Kammayatompa Mefiboset cucunna Saul, battu tongi untu' anruppai karaenga. Tena nanabissai bangkenna, tena nanacukkuruki janggo'na, siagang tena nanasassai pakeanna baku'na nabokoi Karaeng Daud Yerusalem sa'genna ammotere' siagang salama'.

AYUB 33:20

Anjo lapung tau garring tena pattujunna angnganre, manna kanre kaminang nyamang kodi ngaseng.

DANIEL 10:12

Nampa nakana ri nakke, “Daniel, teako mallakki. Nalangngere'mi Allata'ala pappala' doannu appakkaramula ri nutappukinna untu' ampakatunai kalennu sollannu a'jari cara'de'. Battuma' anne a'jari pappiali mae ri pappala' doannu.

DANIEL 11:8

Ri wattunna ammotere' mange ri Mesir, lanaerangi patunna rewatana musunna siagang pakkakasa' bulaeng siagang pera' le'baka nipassareang mae ri anjo rewataya. Siapa are taung sallona tena nalanabunduki karaenna anjo pa'rasangang waraka.

DANIEL 6:18

Le'baki anjo nisareimi se're batu lompo bawana anjo leanga; nasitempele'mi karaenga anjo batua siagang sitempele' karaeng kammayatompa sitempele'na sikamma tumalompoa, sa'genna tena manna sitau akkulle allappassangi Daniel battu ri anjo singa-singaya.

AMOS 5:11

Nujallakkangi tu kasi-asia siagang nurampasaki gandunna. Lanri kammana anjo talammantangnga mako lalang ri balla'-balla' ga'ganu, anjo le'baka nubangung. Tenamo nulangnginung anggoro' battu ri koko-koko anggoro' le'baka nulamungi.

NAHUM 2:9

Rampasaki sikontu bulaenna siagang pera'na! Barang-baranga ri anne kotaya ma'nassa alla'bi-la'bi!

MATIUS 6:17

Mingka ikau ngaseng, punna appuasako, pira'nyuki rupannu siagang a'jangka baji'-bajikko,

LUKAS 7:46

Tena nanutumpai minynya' ulungKu, mingka anne bainea natumpaimi minynya'-minynya' bau' bangkengKu.

1 KORINTUS 9:27

Kupassareangi kalengku nilati terasa' sa'gengku akkulle a'jari kassa'. Ia nakuappakamma anjo sollanna tena nakajariang angkanaya inakke angkioki taua amminawang appa'lumba nakalengku nisorongboko.