DANIEL 10:16 - KITTA' MATANGKASA'

¹⁶ Nampa anjo malaeka' a'rupataua napajonjoi limanna na nasero muncengku. Kukanamo ri ia, “O karaeng, anne paccinika nasessa sikalia' sa'genna tena sikalimo kagassingangku kusa'ring.

DANIEL 10:16 Iomraidhean Croise

KALAPPASSANG 4:10

Mingka nakanamo Musa, “Iye' Batara, mingka inakke teaiya' tau cara'de' a'bicara, baji' nariolo kammayatompa kamma-kamma anne, ri le'ba'namo Batara a'bicara mae ri nakke. Battala' sikali lilaku, salloi bateku a'bicara siagang tena nalaccu'.”

KALAPPASSANG 4:13

Mingka appialimi Musa angkana, “Kupalaki, sollanna teai inakke Kisuro Batara, tau maraenga lalomo Kisuro.”

KATO'BA 1:18

Nasaba' pila' jai kacara'dekanta, pila' jai tongi kasusanta.

YESAYA 6:7

Naseroi muncengku siagang anjo bara pepeka na nakana, “Anne baraya le'ba'mi nasero muncennu. Kamma-kamma anne le'ba'mi nilu'lu' kasalannu siagang Napammopporang Batara dosanu.”

YEREMIA 1:9

Le'baki anjo Napajonjomi limanNa Batara nampa Najama bawaku na Nakana, “Pilangngeri siagang pa'la'bangi anne kana-kana Kupaua.

YEHEZKIEL 1:26

Irate ri anjo pattongkoka nia' kucini' kamma empoang karaeng nipareka battu ri batu nilang, nampa irate ri anjo empoanga nia'mo kucini' ammempo sangkamma tau.

YEHEZKIEL 3:27

Sallang, punna a'bicarA' pole mae ri kau, nampa Kupa'jari akkulleko ammotere' a'bicara, musti nupabattui kanangKu, iNakke, Batara Kaminang Tinggia, mae ri ke'nanga. Sipa'gang ke'nanga lappilangngeri, mingka sipa'gang maraenga tena, lanri anjo ke'nanga bansa nangai angngewaya.”

YEHEZKIEL 33:22

Ri bangngi tenana nabattu, kupisa'ringimi kakoasanNa Batara. Jari ri wattunna battu anjo taua mae ri nakke, akkullema' a'bicara siagang tenamo nakupepe.

DANIEL 12:8

Sikontu anjo apa napaua memang kulangngereki, mingka tena nakupahangi. Nampa akkuta'nanga' angkana, “O karaeng, antekamma batena lakala'busang yangasenna anne?”

DANIEL 4:19

Nalangngere'na anjo kammaya, Daniel iamintu niarenga todong Beltsazar, ta'bangkami siagang kalanna'-lannassangi siapa are sallona. Jari, inakke, Karaeng Nebukadnezar kukanamo ri ia, “He Beltsazar, teako lussakki lanri ia anjo so'naya siagang battuanna.” Appialimi Beltsazar angkana, “O karaengku, baji' sikali ebara' angkana sikamma anjo apa nibotoa lalang ri anjo so'naya teai ikatte natuju passangalinna musu-musunta.

DANIEL 7:15

Sikamma anjo apa kucinika napakalingui siagang napakalussaki pa'maikku.

DANIEL 7:28

Sikammami anne carita kupabattua. Sanna' lussakku sa'genna pi'lasa' tanjakku, mingka tena manna sitau kupauang anne passalaka ngaseng.

DANIEL 8:15

Ri wattunna kuboya battuanna anjo apa kucinika, ti'ring nia'mo battu ri dallekangku ammenteng sangkamma tau.

DANIEL 8:17

Jari Gabriel, anjo ammentenga ri dallekangku a'reppese'mi mae ri nakke. Sanna'mi malla'na kusa'ring, sa'gengku anra'ba. Nakanamo Gabriel ri nakke, “He tau, musti nuassengi battuanna anjo apa nucinika, angkanaya anjo passala'na kala'busang jammanga.”

DANIEL 8:18

Lalang a'bicarana, a'jari tenamo kungngu'rangi. Mingka nata'galakka' nampa nabalia' ammenteng ammotere'. Nampa nakana,

DANIEL 8:27

Nampa a'jari lammamo kusa'ring pakkasiakku, sa'gengku tu'guru' garring pirangallo are. Le'baki anjo ambangumma' nampa kugaukang ammotere' sikamma tugasakku untu' karaenga. Mingka lussakka' annawa-nawai anjo sikamma apa kucinika na tena nakkulle kupahang battuanna.

DANIEL 9:21

Lalang appala' doangku, anjo Gabriel, le'baka kucini' lalang paccinikku riolo, nia'mi anri'ba' a'lampa mae ri nakke. Anjo wattua narapi'mi wattunna taua assare koro'bang karueng.

LUKAS 1:64

Na anjo wattua akkullemi a'bicara pole Zakharia siagang ammuji-muji ri Allata'ala.

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

YOHANES 20:28

Nakanamo Tomas ri Isa, “O Bataraku, siagang Allata'alaku!”

YOSUA 5:14

Appialimi anjo taua angkana, “Teai agang, siagang teai todong bali. Inakke battua' mae anrinni salaku panglimana tantaraNa Batara.” Nalangngere'na Yosua pappialinna anjo taua, su'ju'mi anynyomba ri anjo taua. Angkanami Yosua, “Inakke anne atanta' karaeng. Apa akkulle kugaukang untu' ikatte?”

PAPPICINI' 1:13

Ri tangnga-tangngana anjo sikamma bangkeng-bangkeng lampua nia' sitau ammenteng a'rupa taua nicini' tanja'Na. Ammakei juba turunga sa'genna naung ri bangkenNa. Na barambanNa ammakei passikko' bulaeng.

HAKING-HAKING 13:8

Nalangngere'na Manoah anjo passalaka, appala' doammi ri Batara, angkana, “O Batara, poro Kisuro laloi pole battu anjo suroTa mae ri kambe, sollanna napauangi ikambe apa musti nagaukang ikambe punna lassu' anjo anaka.”

HAKING-HAKING 6:13

Appialimi Gideon angkana, “Kipammopporanga' Batara! Punna kontutojeng angkanaya nirurungangi ikambe ri Batara, angngapa nania' ngaseng anne kammaya antujui ikambe? Kemaeji anjo sikontu le'baka Nagaukang Batara riolo, siagang nacaritaya boe-boena ikambe antekamma bateNa Batara ampasuluki ke'nanga battu ri Mesir? Kamma-kamma anne nibokoimi ikambe ri Batara. Nabalang parekammaki' nikoasai ri bansa Midian.”

HAKING-HAKING 6:15

Appialimi Gideon angkana, “Angngapa, na inakke Batara? Maka inakke lakkulle allappassangi umma' Israel battu ri kakoasanna tu Midian? Lalang ri suku Manasye, golongangkumi kaminang lamma. Na ilalang ri bija pammanakangku, inakkemi kaminang tuna.”