DANIEL 10:11 - KITTA' MATANGKASA'

¹¹ Nakanamo anjo malaekaka ri nakke, “Daniel, Nikamaseangko ri Allata'ala. Ambangungko siagang ammentengko nai' nampa pilangngeri baji'-baji' anne kana-kanangku. Nisuroa' anne battu mae ri kau.” Ri wattunna napau anjo kammaya, ammentemma' nakuannekkere'.

DANIEL 10:11 Iomraidhean Croise

AYUB 37:1

“Anging lompoa ampa'jari mallaki nyawaku, a'dumba'-dumbaki barambangku napakamma.

PAMMUJI 45:11

He, Tulolo, pilangngeri kana-kanangku, kaluppaimi bansanu siagang bija pammanakannu.

KELONG MALA'BIRI' 7:10

Inakke napatanga' tanringku, eroki ri nakke.

YEHEZKIEL 14:14

Manna pole nania' Nuh, Danel siagang Ayub ammantang anjoreng ri tampaka, anjo kabajikanna tau tallua poro nyawa kalenna tonji ke'nanga lasalama'. INakke, Batara Kaminang Tinggia anne akkana.

YEHEZKIEL 2:1

“He tau, ammentengko. ErokKa' a'bicara siagang ikau.”

DANIEL 10:19

Nakanamo, “Nakamaseangko Allata'ala; lanri kammana anjo tea' mako lussakki yareka tea' mako mallakki, gassingi kalennu!” Lalang napauna anjo kammaya, pila' gassimmi kusa'ring kalengku, nampa kukanamo, “A'bicara maki', karaeng. Kitambaimi kagassingangku kusa'ring.”

DANIEL 10:3

Lalang anjo sikammaya sallona tena nakungnganre kanre nyamang siagang dageng; tena kungnginung anggoro', siagang tena todong kujangkai uukku.

MARKUS 16:8

Assulu'mi ke'nanga battu ri jeraka, nampa lari napakamma ta'bangka siagang malla'. Lanri malla'na ke'nanga, takkana-kanayami manna ri nai.

YOHANES 13:23

Anjo ana' guru Nakamaseanga Isa niaki ammempo ri sa'rinNa Isa.

YOHANES 21:20

Ri wattunna assaile Petrus, nacini'mi anjo ana' guru Nakamaseanga Isa nia' ri bokona. (Iaminne anjo ana' guru a'reppeseka ri Isa ri wattunna angnganre bangngi ke'nanga siagang akkuta'nanga ri Isa angkana, “O Batara inai ero' lampasikongkolangKi' Batara?”)

LAMPA-LAMPANA 26:16

Ambangungko siagang ammentengko nai'! Kupappicinikangi KalengKu lanri erokko Kupicinikiang angkana apa saba'na naKuangkakko a'jari palayangKu. Musti nupa'la'bangi mae ri tau maraenga apa nucinika anne alloa. Iamintu passala'na KalengKu, siagang passala'na apa laKupicinikiangko sallang ri allo labattua.

LAMPA-LAMPANA 9:6

Mingka kamma-kamma anne ambangung mako nai', na nuantama' ri kotaya. Anjorempi nampa nipauangko apa musti lanugaukang.”