DANIEL 1:5 - KITTA' MATANGKASA'

⁵ Napattantu tongi karaenga angkanaya anjo kanrea siagang je'ne' inung nipassareanga mae ri ke'nanga musti sangkammai siagang nipassareanga mae ri anggota kaluargana karaenga. Punna le'ba'mi ke'nanga nilati lalang tallun taung, musti mangei ke'nanga andallekang ri karaenga untu' anggaukangi tugasaka ri balla' karaenga.

DANIEL 1:5 Iomraidhean Croise

1 KARAENG-KARAENG 10:8

Teai sipato' upa'na ngaseng anjo bainenta! Siagang teai sipato' upa'na sikamma pagawe-pagawe tuli anjamaya untu' ikatte sa'genna akkulle nalangngere' battu ri kalenta sikontu pangngajarang pangngassengang tinggia mabajika.

2 PATTOTTORANG 9:7

Teai sipato' upa'na ngaseng pagawe-pagawe allayaniaki' siagang tuli anjamaya untu' ikatte sa'genna akkulle nalangngere' battu ri katte kalenta sikontu pangngajarang bajika!

PANGNGEBARANG 23:3

Teako angngoai ri kanre nyamang nipatalaya, gassingka eroki antannangngiko sikko'.

YEREMIA 15:19

Appiali Batara angkana, “Punna ammoterekko, laKutarimako. La'jariko ammotere' atangKu. Punna nukabarrangi apa a'matu-matua siagang teai bicara tena bonena, akkulleko ammotere' a'jari na'biKu. Labattui pole taua mae ri kau, siagang tenamo nuparallu mae ri ke'nanga.

DANIEL 1:19

Le'baki naagang karaenga a'bicara ke'nanga, naassemmi karaenga angkanaya Daniel, Hananya, Misael siagang Azarya, la'bi cara'dekangngangi lalang a'rupa-rupa passala' naanjo turungka maraengannaya. Jari appakkaramulami ke'nanga tugasa' lalang ri balla' karaenga.

DANIEL 1:8

Lanri pannulunNa Allata'ala, anjo Daniel sanna' nisayanna siagang nikamaseanna ri Aspenas. Napattantui ri nyawana Daniel angkanaya tena nalanara'massi kalenna iamintu angnganre yareka angnginung anggoro' battu ri balla' karaenga; lanri kammana anjo napala'mi ri Aspenas sollanna nisare kanre maraeng.

MATIUS 6:11

Kisarei ikambe anne alloa apa naparalluanga ikambe.

LUKAS 1:19

Appialimi malaekaka angkana, “Inakke minne malaeka' Gabriel. Inakke palayanNa Allata'ala, na Iami assuroa' ampabattui anne kabara' bajika mae ri kau.

LUKAS 11:3

Kisarei allo-allo kanre naparalluanga ikambe.

LUKAS 21:36

A'jaga-jagako, siagang tuli appala' doangko sollanna numajarre' andallekangi sikamma anjo apa lakajarianga, siagang nukkulle andallekang ri Ana' Ma'rupataua.”

1 SAMUEL 16:22

Nampa akkiring Saul pasang mae ri Isai angkana, “Kungai Daud. Pa'biammi ammantang tulusu' anrinni na'jari palayangku.”