DANIEL 1:20 - KITTA' MATANGKASA'

²⁰ Sampang nia' napabattu karaenga passala', iamintu parallua nipakasingara' siagang nitangara', naassemmi karaenga angkanaya panggappana siagang pappitangara'na anjo appaka turungka a'lappi sampuloi baji'na nasikamma panggappana siagang pappitangara'na sikontu pacinika siagang sanro cara'deka ri sikontu kakaraenganna.

DANIEL 1:20 Iomraidhean Croise

PA'JARIANG 31:7

Mingka manna nakamma kammaji naballe-balleiku siagang napinrai sa'genna pissampulo gajiku. Mingka tena nilappassangi ri Allata'ala a'gau' ja'dala' mae ri nakke.

PA'JARIANG 41:8

Bari'basa'na lussa'mi karaenga. Jari nasuro kio'mi sikontu pacinika siagang tu panritaya ri Mesir. Nampa nacarita anjo so'nana mae ri ke'nanga. Mingka tena manna sitau akkulle ampakasingaraki battuanna anjo so'nana.

NEHEMIA 4:12

Mingka anjo tu Yahudi niaka ammantang siampi' siagang ke'nanga, a'mole-molemi battu mae ri kambe untu' ampabattui anjo rancanana musua.

AYUB 19:3

Nupa'mole-moleia' nuhina, siagang nusessa' tena siri'nu.

PAMMUJI 119:99

Pammahangku la'biangngangi napammahanna guru-gurungku, lanri inakke kunawa-nawai sikamma parentaTa.

KALAPPASSANG 7:22

Mingka nagaukang tommi kammaya anjo sikamma tucara'de'na tu Mesir, iamintu napakei pangngissenganna ke'nanga. Jari tuli kapala batuna karaenga. Kamma le'baka Napau Batara, taerokai karaenga ampilangngeri Musa siagang Harun.

KALAPPASSANG 8:19

sa'genna nakanamo anjo sikamma tau niaka pangngissenganna mae ri karaenga, “Anne panggaukanNa Allata'ala.” Mingka kapala batui anjo karaenga. Na kamma le'baka Napau Batara, taerokai anjo karaenga anjampangi kananna Musa siagang Harun.

KALAPPASSANG 8:7

Mingka napajappa tommi pangngissenganna sikamma pabale'-bale' matana ke'nanga, nampa appaumba tommo tumpang ri anjo pa'rasanganga.

YESAYA 19:3

LaKupassala-salangi sikamma rancanana tu Mesir siagang laKutepoki sumanga'na ke'nanga. Lappala' tulungi ke'nanga mae ri barhala-barhalaya, lappalaki pappakainga' siagang pangngunju' mae ri sanro-sanroa siagang roh-roh tanicinika.

YEHEZKIEL 28:3

Nukapangi kalennu la'bi cara'dekangngangko na Danel, sa'genna tena rahasia kacokkoang mae ri kau.

DANIEL 1:17

Allata'ala Nasarei anjo appaka turungka iamintu pangngassengang siagang kacara'dekang lalang a'rupa-rupa pangngassengang bicara siagang pangngassengang maraengannaya. Pantaranganna anjo Daniel Nasare tongi kacara'dekang untu' ampakasingaraki battuanna pappiso'naya siagang paccinika.

DANIEL 2:13

Nampa nipa'la'bammo nipabattu anjo parentaya; niboya kabusu'mi sikontu tau cara'deka, kammayatompa Daniel siagang agang-aganna untu' nibuno.

DANIEL 2:21

Iami ampattantui wattua siagang jammanga, Ia antu'gurangi siagang allantiki pamarentaya. Ia todong assarei kacara'dekang, siagang assarei pammahang.

DANIEL 5:17

Appialimi Daniel angkana, “Tena naparallu karaengku assarea' hadia, mingka kipassareang mami mae ri tau maraenga. Lakubacai anjo tulisanga untu' karaengku siagang lakupauangki' angkana apa battuanna.

PAMMILANGNGANG 14:22

angkanaya manna sitau anne sikamma taua tena lattallasa' untu' antama' ri pa'rasangang le'baka Kupa'janjiang mae ri boe-boena ke'nanga. Nasaba' taerokai ke'nanga mannuruki mae ri Nakke, siagang tulusu' ero'na ke'nanga ampaccoba-cobaiA'. Nampa le'ba'mi nacini' ke'nanga sioro'na cayaKu, siagang gau'-gau' malompo Kugaukanga ri Mesir siagang ri parang lompoa.