DANIEL 1:2 - KITTA' MATANGKASA'

² Nisaremi pangngellai ri Batara untu' ambetai Karaeng Yoyakim, kammayatompa anrampasaki siapa are jaina barang-barang tinggia anggaranna ri Balla'Na Batara. Sikamma tau nitahanga, naerangi mange ri balla' rewatana ri Babel, nampa sikamma barang-barang tinggia anggaranna narampasaka, naboliki lalang ri gudang-gudanna anjo balla' rewataya.

DANIEL 1:2 Iomraidhean Croise

PA'JARIANG 10:10

Uru-uruna antamaya kakaraenganna iamintu Babel, Erekh, siagang Akad, tallu-talluna nia' ngasengi ri Babilonia.

PA'JARIANG 11:2

Ri wattunna a'lampa bellamo anrai' ke'nanga, battumi ke'nanga ri se'reang parang lappara' ri Babilonia, nampa ammantang ke'nanga anjoreng.

2 KARAENG-KARAENG 24:1

Ri wattu ammarentana Karaeng Yoyakim, nia'mi battu Nebukadnezar Karaeng Babel ambunduki siagang ambetai tu Yehuda. Tallun taung sallona Yoyakim tundu' mae ri Nebukadnezar, mingka ri bokoanna angngewami.

2 PATTOTTORANG 36:5

Wattunna a'jari Karaeng Yoyakim ri Yehuda, 25 taung umuru'na, siagang 11 taung sallona ammarenta ri Yerusalem. Dorakai panggaukanna mae ri Karaeng Allata'alana.

2 PATTOTTORANG 36:7

Naallei Nebukadnezar sipa'gang barang-barang lompoa anggaranna ri Balla'Na Batara nampa nalaling siagang naboli' lalang ri balla' kakaraenganna ri Babel.

EZRA 1:7

Napasulu'mi Kores sikamma mangko'-mangkoka siagang cangkiri'-cangkiri' le'baka nipake riolo lalang ri Balla'Na Batara ri Yerusalem. Anjo barang-baranga le'baki naerang Karaeng Nebukadnezar nampa naboli' lalang ri balla' rewata-rewatana.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 42:24

Inai ampassareangi Israel untu' nirampasa'? Sai KalenNa tonji Batara? Ri Ia maki' doraka, tena nittallasa' situru' parentaNa, siagang tena nimannuruki ri ajaranNa.

YEREMIA 25:1

Ri taung makaappa' a'jari karaenna Yoyakim ana' bura'nena Yosia ri Yehuda, anggappa' pasang battu ri Batara ri passala'na sikontu bansa Yehuda. Anjo wattua taung makase're ri wattu a'jari karaenna Nebukadnezar ri Babel.

YEREMIA 27:16

Nampa kupauang imang-imanga siagang sikontu ra'yaka angkanaya akkana kammai anne Batara, “Teako pilangngeri na'bi-na'bi angkanaya tenamo nasallo nalanierang ammotere' barang-barang niaka ri BallakKu battu ri Babel. A'balle-ballei ke'nanga.

YEREMIA 28:3

Lalang wattu ruan taunga anne labattua laKupoterangi barang-barang battua ri BallakKu, ia le'baka niengka' mange ri Babel ri Karaeng Nebukadnezar.

YEREMIA 35:11

Mingka ri wattunna nabunduki Karaeng Nebukadnezar anne pa'rasanganga, natappukimi ikambe untu' lari battu ri tantarana Babel siagang tantarana Siria, nampa a'lili ikambe mange ammantang ri Yerusalem. Iaminjo saba'na nania' ikambe ammantang anrinni kamma-kamma anne.”

YEREMIA 50:2

“Attannangko pammatei siagang pa'la'bangi pau mae ri bansa-bansa angkanaya tu'guru'mi Babel! Teako rahasiakangi anjo passalaka! Merodakh, rewatana, niancuruki, siagang patung-patunna lalea reppe'mi tassimbung-simbung, kammayatompa sikamma barhalana sanna'mi batena nihina-hina.

YEREMIA 51:44

Bel, iamintu rewatana pa'rasangang Babel Kuhukkungi. LaKusuroi ampoterangi sikamma apa-apa le'baka narampasa'. Bansa-bansaya tenamo nalanynyomba mae ri ia. Runtummi tembo'-tembo'na Babel.

DANIEL 5:13

Nierammi linta' Daniel mange andallekang ri karaenga. Nampa akkuta'nammo karaenga ri ia angkana, “Ikauka Daniel, tu Yahudi nipelaka, iamintu le'baka niengka' ri manggeku battu ri butta Yehuda?

DANIEL 5:18

Allata'ala Kaminang Tinggia, iamintu le'baka ampa'jari Nebukadnezar, manggena karaengku, a'jari karaeng mala'biri' siagang assarei kalompoang na masahoro'.

HABAKUK 1:16

Nampa anjo jalaya nasombai ke'nanga siagang nasarei koro'bang, nasaba' lanri iaminjo jalaya nanggappamo ke'nanga dalle' alla'bi-la'bi siagang a'jari kalumanynyang.

ZAKHARIA 5:11

Appialimi angkana, “Mange ri Babel. Anjorengi ke'nanga lanapa'bangungang balla' panynyombang. Punna le'ba' anjo balla' panynyombanga, lanapadongkoki ke'nanga anjo karanjenga anjoreng untu' nasomba.”

PAOLE 32:30

Kemae lakkulle sitau langngondang tau sisa'bu, siagang rua tau langngondang sampulo sa'bu tau? Batara, Allata'alana ke'nanga, le'ba' ambalukangi ke'nanga, nibokoimi ke'nanga ri Allata'ala malompoa.

HAKING-HAKING 3:8

Jari larromi Batara mae ri umma' Israel. Nibalang parekammi ke'nanga nanibeta ri Karaeng Kusyan-Risyataim battua ri pa'rasangang Mesopotamia. Sagantuju taungi anjo karaenga angkoasai ke'nanga.

HAKING-HAKING 4:2

Jari nibalang parekkammi ke'nanga ri Batara, na nibeta ri Yabin, iamintu karaeng Kanaan, ammantanga ri kota Hazor. Ia panglimana ke'nanga niarengi Sisera, ammantanga ri Haroset-Hagoyim.

1 SAMUEL 5:2

Anjoreng nierammi anjo pattia antama' ri balla' rewatana ke'nanga, iamintu niarenga Rewata Dagon. Anjorengi ri ampi'na patunna anjo rewataya nipadongko'.