DANIEL 1:19 - KITTA' MATANGKASA'

¹⁹ Le'baki naagang karaenga a'bicara ke'nanga, naassemmi karaenga angkanaya Daniel, Hananya, Misael siagang Azarya, la'bi cara'dekangngangi lalang a'rupa-rupa passala' naanjo turungka maraengannaya. Jari appakkaramulami ke'nanga tugasa' lalang ri balla' karaenga.

DANIEL 1:19 Iomraidhean Croise

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

PANGNGEBARANG 22:29

Le'bakko anciniki tau cara'deka anggaukangi jama-jamanna? Anjo taua lanisarei jama-jamang ri balla' lompona sikamma karaenga, teai balla' biasaya.

YEREMIA 15:19

Appiali Batara angkana, “Punna ammoterekko, laKutarimako. La'jariko ammotere' atangKu. Punna nukabarrangi apa a'matu-matua siagang teai bicara tena bonena, akkulleko ammotere' a'jari na'biKu. Labattui pole taua mae ri kau, siagang tenamo nuparallu mae ri ke'nanga.

DANIEL 1:18

Ri kala'busanna anjo wattu tallun taung le'baka napattantu karaenga untu' angngajaraki ke'nanga, naerammi Aspenas sikontu anjo turungkaya mange andallekang ri Karaeng Nebukadnezar.

DANIEL 1:4

Anjo ke'nanga musti turungka tena caca'na. Musti tau gammara', tinggi sikolana, cara'deki, jai pangngassenganna, kammayatompa siratangi untu' anggaukangi tugasaka lalang ri balla' karaenga. Musti naajaraki Aspenas anjo ke'nanga ammaca siagang annulisi' lalang bicara Babel.

DANIEL 1:5

Napattantu tongi karaenga angkanaya anjo kanrea siagang je'ne' inung nipassareanga mae ri ke'nanga musti sangkammai siagang nipassareanga mae ri anggota kaluargana karaenga. Punna le'ba'mi ke'nanga nilati lalang tallun taung, musti mangei ke'nanga andallekang ri karaenga untu' anggaukangi tugasaka ri balla' karaenga.

DANIEL 1:6

Ri sikamma anjo turungkaya nia' tommi Daniel, Hananya, Misael siagang Azarya, kabusu'na ke'nanga battu ri suku Yehuda.

DANIEL 1:7

Kapala ruma tanggana balla' karaenga nasambeimi arenna ke'nanga a'jari: Beltsazar, Sadrakh, Mesakh siagang Abednego.

DANIEL 2:13

Nampa nipa'la'bammo nipabattu anjo parentaya; niboya kabusu'mi sikontu tau cara'deka, kammayatompa Daniel siagang agang-aganna untu' nibuno.

DANIEL 3:29

Lanri kammana anjo kuparentakangi angkanaya sikamma tau battua ri bansa-bansaya, ri suku bansaya yareka bahasaya, ia le'baka appasulu' kana-kana anghinai Allata'ala nasombaya Sadrakh, Mesakh siagang Abednego, lanikere'-kereki siagang lanirumbangi balla'na a'jari tambungang loro. Nasaba' tena rewata akkulle anggaukangi anjo apa le'baka Nagaukang Allata'ala.”