DANIEL 1:17 - KITTA' MATANGKASA'

¹⁷ Allata'ala Nasarei anjo appaka turungka iamintu pangngassengang siagang kacara'dekang lalang a'rupa-rupa pangngassengang bicara siagang pangngassengang maraengannaya. Pantaranganna anjo Daniel Nasare tongi kacara'dekang untu' ampakasingaraki battuanna pappiso'naya siagang paccinika.

DANIEL 1:17 Iomraidhean Croise

1 KARAENG-KARAENG 3:12

jari laKuturukiang mako pappala'nu. LaKupa'jariko la'bi cara'dekangngang siagang la'bi bajikangngang pangngassengannu na manna inai-nai, baji' ri jammang allaloa, kammayatompa ri jammang labattua.

1 KARAENG-KARAENG 3:28

Nalangngere'na bansa Israel anjo kaputusang le'baka natantukang lalang ri anjo parkaraya, lannasa'mi siagang angngali'mi ke'nanga ri ia. Nasaba' a'nassami angkanaya nisaremi pangngassengang mabaji' ri Allata'ala untu' a'gau' adele'.

2 PATTOTTORANG 1:10

Lanri kammana anjo, poro Kisare laloa' kacara'dekang baji' siagang pangngassengang kuparalluanga untu' ampimpingi ke'nanga. Punna tena nakamma, antemi kamma bateku lakulle amparentai anne ummatTa lompo kammaya?”

2 PATTOTTORANG 1:12

Lanri kammana anjo laKusareko kacara'dekang baji' siagang pangngassengang. Pantaranganna anjo laKupa'jari coppongi katallassannu, la'bi kalumanynyang siagang la'bi masahoro' na karaeng maraengannaya, baji' karaeng allaloa kammayatompa karaeng labattua.”

2 PATTOTTORANG 26:5

Zakharia a'jari gurunna ri passala' katappakkanna mae ri Batara. Lalang attallasa'na ija Zakharia, majarreki tappa'na Uzia siagang anynyombai ri Batara sa'genna nibarakkaki ri Batara.

AYUB 32:8

Mingka assarea kacara'dekang mae ri rupataua, RohNa bawang Allata'ala Kaminang Koasaya.

PANGNGEBARANG 2:6

Batarami assare kacara'dekang; battu ri Iami rupataua anggappa pangngassengang siagang pammahang.

KATO'BA 2:26

Allata'ala assare kacara'dekang, pangngassengang siagang kate'neang mae ri tau ampakasannangai pa'mai'Na. Mingka tau dorakaya Nasuroi a'boya dalle' nampa napatambung wassele'na untu' nipassareang mae ri tau ampakasannangai pa'mai'Na Allata'ala. Jari yangasenna anjo sia-siaji, sanrapang usaha angngondang anging.

YESAYA 28:26

Naassengi carana anjamai, saba' le'ba'mi Niajara' ri Allata'alana.

YEHEZKIEL 28:3

Nukapangi kalennu la'bi cara'dekangngangko na Danel, sa'genna tena rahasia kacokkoang mae ri kau.

DANIEL 1:18

Ri kala'busanna anjo wattu tallun taung le'baka napattantu karaenga untu' angngajaraki ke'nanga, naerammi Aspenas sikontu anjo turungkaya mange andallekang ri Karaeng Nebukadnezar.

DANIEL 1:20

Sampang nia' napabattu karaenga passala', iamintu parallua nipakasingara' siagang nitangara', naassemmi karaenga angkanaya panggappana siagang pappitangara'na anjo appaka turungka a'lappi sampuloi baji'na nasikamma panggappana siagang pappitangara'na sikontu pacinika siagang sanro cara'deka ri sikontu kakaraenganna.

DANIEL 1:4

Anjo ke'nanga musti turungka tena caca'na. Musti tau gammara', tinggi sikolana, cara'deki, jai pangngassenganna, kammayatompa siratangi untu' anggaukangi tugasaka lalang ri balla' karaenga. Musti naajaraki Aspenas anjo ke'nanga ammaca siagang annulisi' lalang bicara Babel.

DANIEL 10:1

Ri taung makatallu pamarentahanna Karaeng Koresy ri Persia, nia' se're pasang nipa'nyata mae ri Daniel niarenga todong Beltsazar. Kammatojengi anjo pasanga mingka sanna' sukkara'na nipahang. Ri wattunna naboya Daniel battuanna, anggappami kasingarang Daniel angkana apa battuanna anjo pasanga lalang se're paccini'.

DANIEL 2:19

Anjo memang bangngia Napaumi Allata'ala rahasiana anjo so'naya mae ri Daniel lalang se're paccini'. Jari mammujimi Daniel mae ri Allata'ala niaka ri suruga,

DANIEL 2:21

Iami ampattantui wattua siagang jammanga, Ia antu'gurangi siagang allantiki pamarentaya. Ia todong assarei kacara'dekang, siagang assarei pammahang.

DANIEL 2:23

O, Allata'ala napakalompoa boe-boeku, iKattemi kupuji siagang kupakala'biri'. Nasaba' Kisarea' kacara'dekang siagang kagassingang. Kiturukianga' pappalakku. Siagang Kipicinikiamma' pappialia mae ri karaenga.”

DANIEL 2:30

Anne rahasiaya le'ba'mi nipakasingara' mae ri atanta mingka teai lanri anne atanta la'bi cara'dekangngangi natau maraenga, passangalinna akkulle kiasseng battuanna anjo so'nata karaeng, siagang niasseng todong bone atinta karaeng.

DANIEL 4:6

Nampa kukio' sikamma tucara'deka, ia niaka ri Babel untu' ampakasingaraki battuanna anjo so'naya mae ri nakke.

DANIEL 5:14

Kulangngereki angkanaya nikoasaiko ri roh-roh matangkasa'na rewata-rewataya, siagang angkanaya nia' kacara'dekannu, pammahannu, siagang pangngassengang lomponu.

DANIEL 7:1

Ri se'reang bangngi, ri taung makase're Belsyazar a'jari karaeng ri Babel, inakke, Daniel, asso'na' siagang anggappa' paccini'. Anjo so'naya kucataki siagang anjo apa kucinika kamma minne caritana: Anging sarroa ammiriki battu kere-keremae, sa'genna appabattu bombang lompo ri tamparang lompoa.

DANIEL 8:1

Ri taung makatallu pamarentahanna Karaeng Belsyazar, anggappa' paccini' makarua.

PAMMILANGNGANG 12:6

na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

LUKAS 21:15

INakke lassareko kacara'dekang siagang kana-kana lanupaua. Sa'genna manna sitau ri musu-musunnu takkulle ambeta kanako yareka ampassalai apa-apa nupaua.

LAMPA-LAMPANA 6:10

Mingka tanakulleai ke'nanga ampitompoki anjo kana napaua Stefanus, nasaba' le'ba'mi nisare Stefanus kacara'dekang ri RohNa Allata'ala, untu' a'bicara.

LAMPA-LAMPANA 7:10

nanitulung battu ri sikontu kasusaanna. Nisarei ri Allata'ala kabajikang pa'mai' siagang kacara'dekang ri wattunna andallekang ri Firaun karaenga ri Mesir. Sa'genna niangka' a'jari Tumalompo ri pa'rasangang Mesir, siagang tukoasa ri Balla' Lompona Karaeng Firaun.

LAMPA-LAMPANA 7:22

Sikamma pappilajaranna bansa Mesirka nipangngajarrang tommi mae ri ia. Na'jarimo tau sannaka lompona koasana, baji' lalang kana-kananna kammayatompa lalang panggaukanna.

KOLOSE 1:9

Iaminjo saba'na nakituli ampappala' doangangko appakkaramula ri nilangngere'na kabara'nu. Kipalaki mae ri Allata'ala sollannu Nasare RohNa Allata'ala kacara'dekang siagang pangngassengang sollanna nupahang baji' apa Nakaerokia Allata'ala.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

YAKOBUS 1:5

Punna nia' tau ri kau ngaseng kurang pangngissengang, parallui nupappalakkang battu ri Allata'ala, sollanna nisare pangngissengang battu ri Allata'ala; nasaba' yangasenna taua akkullei Nasare Allata'ala lanri lammoro' pa'mai'Na, kammayatompa lanri pangngamaseanNa.