AYUB 9:4 - KITTA' MATANGKASA'

⁴ Allata'ala sanna' cara'de'na siagang sanna' koasana; inai akkulle attahang ambaliangi?

AYUB 9:4 Iomraidhean Croise

2 PATTOTTORANG 13:12

Ikatte pamimpinta iamintu Allata'ala KalenNa siagang sikamma imang niaka anrinni. Sadiami ke'nanga appasa'ra tarompe' untu' a'jari pammatei ri katte lamaju ambundukiko. He, tu Israel, teako angngewai ri Batara, Allata'alana boe-boenu! Takkulleako ammeta!”

2 PATTOTTORANG 20:6

siagang assa'ra lompomi appala' doang angkana, “O Batara, Allata'alana boe-boena ikambe! IKatte Allata'ala ri suruga siagang ammarentaya mae ri sikontu bansa niaka ri tompo'na buttaya. IKatteji bawang makoasa siagang makassa'; tena manna sitau akkulle angngewaKi'.

AYUB 11:6

Siagang dasi-dasi nanipauangko ri Ia, angkanaya anjo kacara'dekanga jai lampa-lampana, siagang takkulleai napahang rupataua. Mingka angngu'rangiko angkana tena nasiapa pa'risi'nu, punna nipasitimbangi hukkungang siratanga nutarima.

AYUB 15:13

larroko mae ri Allata'ala siagang nubali-bali.

AYUB 23:6

Maka laNapakei koasaNa mae ri nakke? Tena! Mattantu laNapilangngeri kana-kanangku.

AYUB 24:22

Mingka lanri koasaNa Allata'ala, Nabongkai tau porea. Angngallei tindakang Allata'ala, na matemo tau dorakaya.

AYUB 28:23

Allata'alaji bawang angngassengi tampa'na kacara'dekanga, Iaji bawang angngassengi oloanga mange anjoreng,

AYUB 36:5

Anjo Allata'ala tamaka poreNa! Sikontuna Napahang ngasengi. Tena manna sitau Nacini' hina.

AYUB 37:23

Tamaka lompona koasaNa Allata'alata; takkulleaki' anreppesi, tuli lambusu'Na siagang adele'Na; tale'bakai Najallakkang rupataua.

AYUB 38:36

Battu kemae naasseng jangang-jangang ibisi' angkana ringngapanna nalanai' je'neka ri Binanga Nil? Inai ampauangi jangang lakia angkana labattui bosia?

AYUB 38:37

Inai ganna' cara'de'na anrekengi rammanga nampa nabulinta' sollanna turung bosia,

AYUB 40:9

Maka gassing kammako iNakke? Maka akkullei sa'rannu a'gunturu' kamma sa'rangKu?

AYUB 41:2

Maka akkullei nusarei otere' muncenna, yareka nusare pakkai' bassi gigi nga'ngala'na?

AYUB 6:10

Akkulleangangi anjo kammaya a'jari panynyaleori ri nakke; la'jogeka' ri tangngana pa'risikku. Sikontu parentaNa Allata'ala Kaminang Koasaya kuturukimi siagang tulusu' kuparhatikangi.

AYUB 9:19

Jari apaka musti kuewai a'gassingang? Mingka ciniki, antekamma heba'na kagassinganNa! Ebara' angkana kupaui ri Ia angkana kukabattallangi, inai barani langkioki mange ri pangadelang?

PAMMUJI 104:24

Tamaka jaina bate paretTa, o, Batara, yangasenna Kipa'jari lanri bajitTa; rassi buttaya siagang bate paretTa.

PAMMUJI 136:5

Lanri kaporeanNa napa'jari langika; pangngamaseanNa sa'genna satunggu-tungguna.

KALAPPASSANG 15:7

Lanri kala'birang malompoTa Kipanraki sikontu angngewaya ri Katte. A'rinrai larroTa rapang pepe', na natunu ke'nanga rapang rarame.

KALAPPASSANG 9:7

Napakkuta'nangngammi karaenga anjo apa kajarianga; nampa nicaritamo ri ia angkanaya olo'-olo' piarana tu Israel manna sikayu tania' mate. Mingka kapala batu iji karaenga siagang taerokai allappassangi anjo bansaya a'lampa.

PANGNGEBARANG 28:14

Tuli pakalompoi Batara, na nulamate'ne. Punna nubaliangi, langgappako bala.

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

YESAYA 45:9

Cilakai tau eroka a'gea' siagang Mappa'jarina; rapangi uring butta angngewayai tumappare'na. Maka akkuta'nangi butta pika mae ri papare' uring buttaya, angkana, “Apa antu nupare'?” Maka akkunrarengi anjo uringa angkanaya tena kacara'dekanna anjo tumappare'na?

YEREMIA 50:24

Nakana Batara, “Babel, angngewako ri Nakke, jari lanri kammana anjo naalle mako sikko' nutannanga untu' kalennu, mingka tanuassengai kalennu.

DANIEL 2:20

nakana, “Anjo Allata'ala cara'deki na pore, nipujimi arenNa satunggu-tungguna!

NAHUM 1:3

Memang, Batara tena nalinta' larro; mingka sanna' todong makoasaNa sa'genna inai-nai anggaukangi salaya tena nalaNapata'lappasa' battu ri hukkunganga. Kemae-kemae Batara a'jappa, anjorengi ammumba anging lompoa; kemae angngonjo' bangkenNa, anjorengi limbu'buka a'jari rammang.

ROMA 11:33

Teai sipato' heba'na kakalumanynyanganNa Allata'ala! Teai sipato' tinggina kacara'dekanNa siagang pangngamaseanNa! Maka inai akkulle ampappilajari sikamma apa le'baka Napattantu? Maka inai akkulle ampahangi cara-caraNa anjama?

1 KORINTUS 10:22

Yareka erokki' ampa'jari Batara akkimburu'? Maka kassakangangki' na Batara?

EFESUS 1:19

siagang antekamma heba'na kakoasanNa Allata'ala Nagaukanga lalang ri jama-jamanna ri tangnga-tangngata tau tappaka. Teai sipato' heba'na anjo koasaNa Allata'ala,

EFESUS 1:8

Teai sipato' lompona pangngarimangnginNa Allata'ala, le'baka Napa'laboang mae ri katte situru' kabajikang siagang pangngassengang.

EFESUS 3:10

PattujunNa Allata'ala iamintu sollanna tete ri jama'aka kamma-kamma anne, akkullemi naasseng sikontu tau anna'galaka koasa ri lino, antekamma pangngassenganNa Allata'ala ilalang sikontu apa Nagaukanga.

EFESUS 3:20

Lanri pappagio'na koasaNa Allata'ala lalang ri kalenta, akkullemi la'bi jaiangang Nagaukang Allata'ala, naia akkullea nipala' yareka ninawa-nawa.