AYUB 8:6 - KITTA' MATANGKASA'

⁶ punna lambusu' pa'mai'nu, tena callannu, laNatulungko linta' Allata'ala; na a'jari pa'balasa'na, laNapakabajiki ammotere' ruma tangganu.

AYUB 8:6 Iomraidhean Croise

AYUB 1:8

Nakanamo Batara, “Apaka nuparhatikangi atangKu Ayub? Ri sikontu linoa, tena tau sangkammanna baji' pa'mai' siagang majarre'na tappa'na. Anynyombai mae ri Nakke, siagang tena sikali na'gau' kodi.”

AYUB 11:14

Pelaki dosaya battu lalang ri atinnu siagang pakabellai kaja'dallanga battu ri balla'nu!

AYUB 16:17

Mingka takugaukang katerassang; pammate ci'nonna pappala' doangku ri Batara.

AYUB 34:28

Ke'nanga passabakkang nakkunrareng tu kasi-asia, karru'na ke'nanga nilangngereki ri Allata'ala.

AYUB 5:24

Laamangko ammantang ri kemanu; na punna nuparessa sikamma gimbala'nu, salama' ngasengi, tena kakuranganna.

PAMMUJI 18:25

Na Nabalasa'mo Batara panggaukang tojengku saba' Naassengi angkana tena kusala.

PAMMUJI 44:23

Lanri iKatte natuli tattuju kamateanga mae ri kambe na nigau' sanrapang gimbala' lanisamballea.

PAMMUJI 7:6

boli'ma' kamma niondang siagang nijakkala' ri musu, nampa nibunoa' kuniboli' ri buttaya.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

PANGNGEBARANG 3:33

Natunrai Batara balla'na tau ja'dalaka, mingka Nabarakkaki balla'na tau mannurukia mae ri Ia.

YESAYA 1:15

Punna nupatara limannu appala' doang, tena Kuero' amparhatikangi. TaKujampangiai angkana siapa jaina pappala' doannu, taerokA' ampilangngeri, nasaba' iaminjo limannu jai sikali tau nabuno.

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

YESAYA 51:9

Ammenteng maKi' o Batara, Kitulung laloi ikambe, pasalamaki ikambe lanri koasaTa. Ammenteng maKi' sangkamma ri jammang riolo ri wattunna Kilissarrang Rahab siagang Kicoka naga tamparanga sa'genna mate.

1 TIMOTIUS 2:8

Manna pole kemae, sikamma tu bura'nea kukellai assambayang siagang ati matangkasa', takkulleai nagaukang lalang kalarroang yareka passisala-salang.