AYUB 8:21 - KITTA' MATANGKASA'

²¹ Bawanu laNapakakkalaki, muncennu lama'reja-rejai.

AYUB 8:21 Iomraidhean Croise

PA'JARIANG 21:6

Nakanamo Sara, “Napa'jarima' ammakkala', lanri rannuku. Sikontu tau allangngerekai anne passalaka larannu ngasengi ammakkala' siagang inakke.”

NEHEMIA 12:43

Anjo alloa jai koro'bang nipassareang ri Batara. A'rannu-rannui ra'yaka lanri nipakasunggui ri Allata'ala. Sikamma bai'-bainea siagang ana'-anaka amminawang tongi assua'-suara', siagang kalangngerammi sa'genna bella sa'ra karannuanna ke'nanga.

AYUB 35:10

Mingka teai mae ri Allata'ala, Mappa'jarina napappalakki, assareai panrannuang ri wattu susana ke'nanga,

AYUB 5:22

Punna battu kapallakkanga siagang kacipuranga, lasa'barakko, ba'lalo ammakkalakko. Tena nulussa' yareka malla' nusa'ring, andallekangi olo'-olo' sekkeka siagang pallaka.

PAMMUJI 100:1

Pammuji untu' koro'bang sukkuru'. Akkio' rannuko mae ri Batara, he sikontu lino!

PAMMUJI 126:1

Kelong siara. Ri wattunna Napammole Batara lampa-lampana Yerusalem, sangkammaki' tau asso'na!

PAMMUJI 126:2

Tulusu' ammakkalakki' siagang akkelong rannu sa'genna nakana bansa-bansaya, “Nagaukammi Batara gau'-gau' hebaka mae ri ke'nanga!”

PAMMUJI 126:6

A'lampai taua appakioro' bine ri kokonna, nampa ammatti' tommo je'ne' matanna. Lammotereki akkelong rannu angngerang erang pole kattoanna.

PAMMUJI 32:11

He, sikamma tu bajika, rannu mako siagang ma'reja-reja mako lanri apa le'baka Nagaukang Batara. Akkio' rannu mako, he sikontu tu lambusu' pa'maika!

PAMMUJI 98:4

Akkio' rannuko mae ri Batara, he sikontu lino! Pujimi Batara siagang kelong na makkio' rannu.

LUKAS 6:21

Mate'ne ngasengko tau cipuruka ri kamma-kammaya anne; nasaba' lanibassoriko sallang! Mate'ne ngasengko tau angngarruka ri kamma-kammaya anne; nasaba' lammakkalakko sallang!