AYUB 7:6 - KITTA' MATANGKASA'

⁶ Tallasa' tamanrannuangku larimi mae ri kala'busanna, sarringngangngang nalarina sikoci masinana tau anjaika.

AYUB 7:6 Iomraidhean Croise

AYUB 13:15

Tena kujampangi lanri tappu' minasama'! Punna ero' Allata'ala ambunoa', kupassareang mami kalengku, mingka kupattojengi panggaukangku ri dallekanNa.

AYUB 14:19

Batu-batua lanikekkeseki ri je'ne' a'lo'loro' sarringa; buttaya lanilo'lorangi ri bosi sarroa. Kammaminjo Kiancuru'na panrannuanna rupataua.

AYUB 16:22

Tenamo siapa tassesa taung-taung tallasakku; sinampe' mami ku'lampa, kutammoteramo.

AYUB 17:1

A'reppese'mi a'jalakku, birimmi tappu' napasakku; jerakku mami ammantang.

AYUB 17:11

Allalomi allo-allo tallasakku, salasami sikontu rancanaku; tappela' tommi sikontu naminasaya atingku.

AYUB 17:15

Kemae minasangku; inai anciniki nia' mate'neku

AYUB 17:16

Punna kunaung ri linona tau matea, tenamo pa'minasangku.”

AYUB 19:10

Nalappassangngia' battu ri kere-keremae, sanrapang tau ambi'bu aka' lamung-lamung, nampa Nabolikka' ta'ronang na kalumeng, kammaminjo bateku Naalleang sikontu panrannuangku.

AYUB 6:11

Apa kagassingangku sa'gengku nia' tongija? Apa panrannuangku nakuero' ija attallasa' la'bi sallo?

AYUB 9:25

Allalo karo-karomi sikamma allo tallasakku, nampa allanynya' natena nabaji' nasa'ring.

PAMMUJI 102:11

saba' le'ba'ma' Kiangka' nampa Kipasambila' lalang pangngalarroi a'rinra-rinraTa.

PAMMUJI 144:4

Anjo rupataua sanrapanji anging mammiri', sanrapang bayang-bayang allaloa, kammaminjo tallasa'na.

PANGNGEBARANG 14:32

Tau ja'dalaka panraki lanri kaja'dallanna, tau bajika nijagai lanri kalambusanna.

YEREMIA 2:25

He Israel, teako lari mange angngondangi rewata-rewataya, siagang teako ammarrangngi angkioki ke'nanga, kabokkaki sallang bangkennu nakalotoro' karro'-karro'nu napakamma turere. Angkanako, ‘Tena, tena oloku lakkulle ammotere' nasaba' kungaina rewata-rewataya, nakuero' amminawang ri ke'nanga.’ ”

EFESUS 2:12

Anjo wattua tena nusse're siagang Almasi; a'jariko tau maraeng, tenaya nantama' ri umma' Napilea Allata'ala. Tena nuntama' ri janji le'baka Napare' Allata'ala siagang umma'Na. Tena panrannuannu siagang tena Allata'alanu ammantang ri anne linoa.

YAKOBUS 1:11

Ri wattunna battu alloa nanitaba ri bambang sarrona, kalumemmi anjo rukuka sa'genna ru'rusu' bungana siagang tappela'mi kaga'ganna. Kamma tomminjo mae ri tau kalumanynyanga: laancuruki ri wattunna napajappa usahana.

YAKOBUS 4:14

Apa lakajariang lalang ri katallassannu ammuko, tena sikali nanuassengi! Sanrapang le'ba' jako umbu sinampe' duduaji kacinikang, nampa a'lanynya'.

1 PETRUS 1:13

Lanri kammana, paralluko tuli a'jaga-jaga. Tutuko siagang manrannuang tojeng-tojengko mae ri barakka' lanipassareanga mae ri kau ri wattunna battu Isa Almasi sallang.

1 PETRUS 1:24

Nia' tattulisi' lalang ri Kittaka angkanaya, “Sikontu rupataua sanrapangi ruku', sikontu kalompoanna sanrapangi bunga ruku'. Punna kalumeng rukuka, ru'rusu' tommi bunganna;