AYUB 7:2 - KITTA' MATANGKASA'

² sanrapangi ata nakkuka ri pa'la'langang; sanrapangi pajama attayanga sambe poso.

AYUB 7:2 Iomraidhean Croise

PA'JARIANG 34:8

Nakanamo Hemor ri Yakub, “Anakku Sikhem eroki ri ana'nu. Kupalaki nanukellai anakku a'bunting siagang ia.

AYUB 7:1

Rupataua sangkammai tau nipassa barjuang; susai katallassanna sangkamma tau angnganre gaji;

AYUB 7:3

Pila' mange bulang tallasakku tattantuai natujua; pila' mange bangngi rassi atingku siagang kasi'nang.

PAMMUJI 119:131

Ta'rosa'-rosaki nappasakku, lanri nakkukku mae ri parentaTa.

PAMMUJI 143:6

Kupatara limangku appala' doang mae ri Katte; sanrapang butta kalotoro', nakkuki nyawaku mae ri Katte.

YEREMIA 6:4

Lanakana ke'nanga, “Umba, nakipparuru untu' ambunduki Yerusalem! Umba nanibuccuki anne alloa!” Mingka lanakana pole ke'nanga, “Ai, tarlambakki'! Appakkaramulami battu sassanga, appakkaramulami kacinikang taun-taunta.

KAIMANGNGANG 19:13

Teako paccoki parannu tau yareka teako alle passai barang-baranna. Sawala'na tau anjamaya ri kau teako tahangngi, manna pole nasipattanja.

YUNUS 4:6

Appatimbomi Karaeng Allata'ala se're poko' a'lamba' akkullea alla'langngi Yunus sa'genna sannang nasa'ring. Memang, sannang sikali nyawana Yunus mae ri anjo lamung-lamunga.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

PAOLE 24:15

Tunggala' allo ri wattu tenanapa nalabu alloa, musti nubayaraki gajina untu' anjo alloa; narannuangi anjo doeka lanri naparallukangi. Punna tena nubayaraki gajina, lakkioki mae ri Batara untu' appala' tulung passabakkang ikau, siagang ikau lanisalakang.

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.