AYUB 7:11 - KITTA' MATANGKASA'

¹¹ Lanri kammana anjo takkullea' a'mereki! Takkulleai kuboli' pa'risikku siagang pacceku. Musti kusungkei bawaku, siagang kupasulu' bone atingku.

AYUB 7:11 Iomraidhean Croise

PA'JARIANG 42:21

Nampa nakanamo massing para ia ke'nanga, “Kamma-kamma anne nihukkung maki' passabakkang salanta mae ri anditta pirangngalloang; appala' tulungi mingka tena nijampangi, manna nasessamo nicini'. Iaminjo saba'na nakianggappamo sessa ri kamma-kammaya anne.”

AYUB 10:1

Lanrea' siagang erokka' ta'langnge kukasia' ri tallasakku, nakupasulu' ngasemmo pa'risi'na nyawaku.

AYUB 10:15

Punna a'gau' doraka', a'jari cilakami sarengku! Mingka punna tena callana panggaukangku, tuli nikana tonja' tau a'gau' dosa! Tena kubarani angngangkaki ulungku, lanri si'nai pa'maikku siagang tunai kusa'ring.

AYUB 13:13

Lanri kammana anjo, a'mereki mako, boli'mi kamma nainakke a'bicara! Takujampangiai manna pole apa kale'bakkanna!

AYUB 16:6

Punna kua'bicara, tena nanaung pa'risikku; punna a'merekia', apa todong matu-matunna?

AYUB 21:25

Mingka nia' todong tau mate sanna' pa'risi'na, tena le'baka nakasia' mate'nea.

AYUB 36:21

Tutuko, teako a'lampa mangei ri kadorakanga. Nisessako lanri ero'nu nikellai ambokoi kaja'dallanga.

AYUB 6:26

Sikontu kana-kanangku nupare' anginji bawang; tena matu-matunnu ampialia' anne, tau tappu' minasayamo.

AYUB 9:27

Punna erokka' ta'muri siagang ammakkala' rannu, punna kucoba angkaluppai pa'risikku, battui ammotere' susaku, angngondanga'; saba' kuassengi, tuli Nasalakanga' Allata'ala.

PAMMUJI 39:3

A'mereki tojenga' naung, sa'genna kupa'rugi kalengku napila' katambang pa'risikku kusa'ring;

PAMMUJI 40:9

Sannanga' anggaukangi erotTa, o, Allata'ala, kuparipa'maiki hukkunTa.”

YESAYA 38:15

Apa akkulle kupau? Anne gau'Na Batara; takkullea' attinro lanri si'na.

YESAYA 38:17

Pacceku tappinrai a'jari kasannangang, iKatte ampasalamaka' battu ri bahayaya; Kipammopporangi sikamma dosa-dosaku.

2 KORINTUS 2:4

Sanna' si'nana siagang sanna' battala'na pa'maikku, kammayatompa ammatti'-mattiki je'ne' matangku ri wattunna kutulisi' anne suraka. Mingka teai lanri kukellainu si'na nakupau anne, passangalinna sollanna akkulle nuasseng angkanaya sanna' ngaseng kukarimangnginnu.