AYUB 6:9 - KITTA' MATANGKASA'

⁹ Poro ero' lalo Allata'ala allicaka'! Poro Nabuno laloma'!

AYUB 6:9 Iomraidhean Croise

1 KARAENG-KARAENG 19:4

nampa a'jappa bangkeng ri parang lompoa siallo bujuru', nampa ammantang irawanganna se'rea poko' kayu copponga leko'na. Ammempomi anjoreng, naerokangngammi nasa'ring matea. Nakanamo ri Batara, “Tenamo kutahangi, Batara Kialle lalomi nyawaku. Tena na kubajikangngang naboe-boeku!”

AYUB 10:1

Lanrea' siagang erokka' ta'langnge kukasia' ri tallasakku, nakupasulu' ngasemmo pa'risi'na nyawaku.

AYUB 11:20

Mingka tau ja'dalaka lalingui paccini'na, saba' tena pannulunna ke'nanga. Se'reji bawang panrannuanna ke'nanga iamintu a'jala'na labattu linta'.”

AYUB 14:13

Cokkoma' lalang ri linona tau matea; jagaia' sa'genTa tenamo Kilarro. Mingka Kipattantu wattunna untu' Kiu'rangia'.

AYUB 19:21

He agang-agangku, kamaseang laloa', saba' nitunrunga' ri limanNa Allata'ala.

AYUB 6:8

Angngapa nakuttu Allata'ala ampilangngeri pappala' doangku? Angngapa natena Naparhatikangi pakkiokku?

AYUB 9:21

Tena kusala, mingka tena kujampangi. Lanrema' attallasa'. Untu' inakke tenamo parallu; tau salaya siagang tau annabaya, sangkammaji sarenna: rua-rua laNapanraki ngasengi Allata'ala.

PAMMUJI 32:4

Allo bangngia' Kijallakkang, o, Batara, la'busu'mi kagassingangku niiso' ri bambanna alloa.

YESAYA 38:12

Tappu' nyawaku, battumi a'jalakku, rapang kema pakalawaki nibongkara'; rapang kaeng nipolong battu ri pattannungang; kukapangi laNapa'le'ba'mi Allata'ala tallasakku.

YUNUS 4:3

Kamma-kamma anne, o Batara, boli'ma' kamma mate, nasaba' bajikangnganga' matea naia attallasaka.”

YUNUS 4:8

Ri wattunna ammumbamo alloa, appabattumi Allata'ala anging bambang ammirika battu iraya. Sike'de' mami natenamo nangngu'rangi Yunus lanri nitujuna ri singara'na alloa, sangkammai angkanaya natunui ulunna. Tappu' panrannuammi siagang ero'mi mate. Nakana, “Bajikangngangi matea nattallasaka!”

PAPPICINI' 9:6

Limambulangi sallona nausahai ke'nanga ero' mate, mingka takkulleai mate ke'nanga; eroki ke'nanga mate, mingka bellai kamateanga battu ri ke'nanga.