AYUB 6:4 - KITTA' MATANGKASA'

⁴ Pana battua ri Kaminang Koasaya natarrusuki kalengku; a'la'bangi racunna ri sikontu nyawa siagang batangkalengku. KahebakkanNa Allata'ala sanna' appakamalla'na, na battu ambakkaia' sanrapang pasukang musu.

AYUB 6:4 Iomraidhean Croise

AYUB 16:9

Lalang larro duduNa Nakekke'-kekkeki Allata'ala tubuku; birisi' sikali ancinikia'.

AYUB 19:12

Battui pasukanNa ambakkaia', takkulleai nitahang; narompai oloangku, natammulili kemaku.

AYUB 20:16

Tau ja'dalaka langnginungi racung paerang bala, lamatei lanrinna, sanrapang tunikokko' ri ulara' a'racung.

AYUB 21:20

Lappassammi tau dorakaya antanggongi dosa kalenna ke'nanga, lappassammi nakasia' pangngalarroiNa Allata'ala Kaminang Tinggia.

AYUB 30:15

Nikalimbukima' ri bala lompo; rapang anging mammiri', allalomi anggaranna kalengku; rapang rammang allalo, tappela'mi mate'neku.

AYUB 31:23

Tena kula'gau' kammanjo, saba' hukkunganNa Allata'ala sanna' Napakamalla'na pa'maikku.

AYUB 34:6

Napakkanaia' a'balle-balle, lanri kukanana tena kudoraka. Kamma-kamma anne loko' lompoa', manna tena kusala.’

AYUB 7:20

He Pajagaku, apaka rugiKi' lanri dosaku? Angngapa na inakke Kipare' pallio-lio ri panaTa? Battala' sikalika dosaku antujuKi'?

AYUB 9:17

Nalicaka' lalang ri anging puttusu', na Natambai pa'risikku natena passabakkanna.

PAMMUJI 143:7

Kipialia' linta', o, Batara, saba' tappu' minasama'. TeaKi' accokkoi battu ri nakke, sollanna tena nakusangkamma tau naungamo ri lino kamateanga.

PAMMUJI 18:14

Nampa a'gunturu' Batara battu ri allaka; Kaminang Tinggia Napappilangngerangi sa'ranNa.

PAMMUJI 21:12

Punna appare' rancana ke'nanga langngewai karaenga, tala'jariai akkala' balle-ballena ke'nanga.

PAMMUJI 38:2

O, Batara, teaKi' hukkungia' lalang kalarroanTa, teaKi' sessaia' lalang kalarroanTa.

PAMMUJI 38:3

Annarrusuki ana' panaTa ambokkaki kalengku, battalaki kusa'ring limanTa anjallakkanga'.

PAMMUJI 45:5

Maju mako siagang gammara' mange ri kalompoanga parjuangkangi katojenganga siagang kaadelang bajika; re'bu'mi pammetang lompoa siagang kagassingannu!

PAMMUJI 7:13

Punna tamamminraya gau'na ke'nanga, sadiai siagang sanjata pammunoNa. Nakantisiki pa'danna, na Napabantang otere' panaNa nampa Nalappassang ana'-ana' panaNa a'rinraya.

PANGNGEBARANG 14:10

Susaya siagang rannua niaki niboli' lalang ri pa'maika; tau maraenga takkulleai amminawang angkasiaki.

PANGNGEBARANG 18:14

Lanri ero' attallasa', akkullei natahang taua pa'risika; punna tappela'mo kaerokanga, tappela' tommi sikontu panrannuanga.

YESAYA 28:19

Lanitujuko ri kacilakang situlusu'na, siagang musti nutanggong ngasengi anjo kammaya allo-allo, bari'basa', tangngaallo siagang bangngi. Lannekkerekko napakamma malla' punna nupahangi pappasanNa Allata'ala.

PIRAUNG 2:4

Rapang musu ampabantangi panaNa Napalio-lio mae ri katte. Sikontu tau ningaia cappu' kabusu' Nabuno. Napasimbungi larroNa rapang pepe' antama' ri kota Yerusalem.

PIRAUNG 3:3

A'mole-molea' niba'ji, tuntungallo tamangngamaseang.

MARKUS 15:34

Na ri wattunna narapi'mo tette' tallu ri karuenga, ammarrang lompomi Isa angkana, “Eloi, Eloi, lama sabakhtani?” battuanna, “O Allata'alaKu, o Allata'alaKu, angngapa na NubokoiA'?”

2 KORINTUS 5:11

Naassemmi ikambe angkana apa battuanna nikanaya malla' mae ri Batara; iaminjo saba'na nausahamo ikambe ampakatappaki taua ri sesena kalenna ikambe. Baji' niassenna ikambe ri Allata'ala, naminasai sollanna nanuasseng todong ikambe lalang ri atinnu ngaseng.

PAOLE 32:42

PanaKu rassi cera'na ke'nanga, cera' tunitahang siagang tau loko'. Nabunoi pa'dangKu sikamma tau angngewaya, musu la'bua uu'na tena nalaKulappassang.

RUT 1:20

Nakanamo Naomi, “Teako kiokia' Naomi; kio' mama' Mara, nasaba' le'ba'ma' Nabalang parekang Allata'ala Kaminang Koasaya attallasa' lalang ri kapa'risang lompoa.