AYUB 6:15 - KITTA' MATANGKASA'

¹⁵ Mingka ikau ngaseng, he agang-agangku, takkulleako nipatappa' siagang nirannuang. Sanrapangko kaloro' cappuka je'ne'na, punna tena nabattu bosia.

AYUB 6:15 Iomraidhean Croise

AYUB 11:16

ba'lalo pa'risi'nu tenamo nanuu'rangi; sanrapang a'ba naungamo, nikaluppaimi ri taua.

AYUB 13:4

Saba' nutongko' ngasengi katoloannu siagang balle-balle, tena sisalana sanro paballe-ballea.

AYUB 14:11

Sanrapang je'ne' a'rumbu battu lalang ri kollanga, sanrapang binanga naunga je'ne'na sa'genna la'busu',

AYUB 19:13

Napakabellai battu ri nakke bija pammanakangku; a'jari tau maraenga' mae ri sikamma passiassengangku.

AYUB 19:19

Punna nacinikka', sanna' malla'na bela bajikku; nibokoia' ri sikamma tu kukamaseanga.

AYUB 6:16

Sanrapangko binanga sannang siagang tagioka, lanri nitongko' ri bosi es siagang je'ne' a'batu.

PAMMUJI 38:11

A'dumba'-dumbaki barambangku, tenamo kagassingangku, tenamo nabaji' paccinikku.

PAMMUJI 41:9

Nakana ke'nanga, “Teai sipato' sanna'na garrinna, tena olona lakkulle ambangung poleang.”

PAMMUJI 88:18

Sikabusu'na alloa sanrapangi a'ba pangngalarroinTa angkulilingia', antammulilia' battu ri kere-keremae.

PANGNGEBARANG 25:19

Tappa' ri tau a'bali' ballang ri wattu kasusaang sanrapangi akka'lero ammake gigi a'gio' yareka a'jappa siagang bangkeng akkeppang.

YEREMIA 12:6

Nibaliang mako ba'lalo ri bija pammanakannu tonji; amminawangi ke'nanga ambakkaiko. Teako tappakki mae ri ke'nanga, manna pole nate'ne bicaranna ke'nanga.”

YEREMIA 15:18

Angngapa kutulusu' sessa mamo? Angngapa nasanna' lokokku siagang tena le'bakai ammolle? Maka erokKi' ampakala'bai pa'maikku rapang binanga a'jari kalotoroka ri wattu timoro'?”

YEREMIA 30:14

Sikontu tumangngainu takkaluppami ri kau; taerokami ampikkiriki kalennu. Kamma musu le'baka a'bakka na nahukkungko siagang palla', lanri jaina dosanu siagang lompona kasalannu.

YEREMIA 38:22

Lalang ri anjo paccinikku, kuciniki sikontu baine niaka ija ri balla' lompoa ri Yehuda nire'resangi assulu' mange ri pagawe-pagawena karaeng Babel. Lalang a'jappana ke'nanga nakana, ‘Nipattolo-toloangi karaenga ri agang-agang baji'na, nampa nikoasai ri ke'nanga. Kamma-kamma anne ta'loposo'namo bangkenna antama' ri peoka, ammunduru' ngasemmi ke'nanga.’ ”

YOHANES 13:18

Tena nanataba ngasengko anne apa Kupabattua. Kuassemmi angkanaya inai-nai le'ba' Kupilei. Mingka musti a'rupai apa niaka tattulisi' lalang ri Kittaka, iamintu, ‘Tau Kuaganga sipangnganreang, la'jari musui ri Nakke.’

YOHANES 16:32

U'rangi! Angkanaya lanarapiki sallang wattunna, ba'lalo narapi'mi wattunna, nulanipasisa'la'-sa'la'. Massing lammoterekko mange ri balla'nu, nanubokoiA' Kale-kalengKu. Mingka tena nalaKale-kalengKu mamo, nasaba' niaki Manggea anrurungangA'.

YUDAS 1:12

Ri wattunnu assua'-suara' angnganre, ia ngasemmi anjo tau kammaya anra'massiko. Nasaba' tena siri'na ke'nanga angnganre siagang sanna' angngoana; kaparalluang kalennaji bawang najampangi ke'nanga. Sanrapangi ke'nanga rammang nairika anging mingka tena nappaturung bosi. Sanrapang tongi ke'nanga poko' kayu tenaya na'rappo manna pole nawattu pa'rappoammo; sanrapangi poko' kayu le'bakamo nibi'bu' siagang mate taba sikalimi.