AYUB 5:8 - KITTA' MATANGKASA'

⁸ Ebara' inakke natuju antu apa nukasiaka, lakkioka' mae ri Allata'ala. Lama'rikonga' mae ri Ia, na kuerang mae ri Ia parkaraku.

AYUB 5:8 Iomraidhean Croise

AYUB 11:13

Ayub, tangkasi pa'mai'nu, nampa assesse' lalang! Appala' doangko mae ri Allata'ala!

AYUB 13:2

Apa nuassenga, kuasseng tonji; gassingka nukana nubeta'.

AYUB 13:3

Mingka erokka' a'bicara siagang Kaminang Koasaya; erokka' ampattojengi parkaraku ri dallekanNa Allata'ala.

AYUB 22:21

Jari, Ayub, assiama' mako siagang Batara, sollanna nunggappa kasannangngang. Punna nugaukang kammaya anjo, mattantu anggappako kaupakkang.

AYUB 22:27

Punna appala' doangko, laNapialiko, nakkulle nurupai sikontu janjinnu.

AYUB 8:5

Mingka punna a'la'langko mae ri Ia, appala' pangngamaseang siagang appala' popporo',

PAMMUJI 37:5

Passareangi tallasa'nu mae ri Batara, manrannuangko ri Ia, Iami lantulungko.

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

YEREMIA 11:20

Nampa appala' doamma' angkana, “O Batara Kaminang Koasaya, iKattemi haking adeleka; iKatte angngassengi pikkiranna siagang atinna taua. Anne parkaraku kubuangi mae ri Katte. Poro akkulle laloi kucini' angkanaya iKatte ambalasaki panggaukanna sikamma anjo taua.”

2 TIMOTIUS 1:12

Lanri kammanami anjo nakukasia'mo anne kasessang kammaya jaina; mingka tuli jarreki tappakku, nasaba' bajiki kuassenna angkana inai kupatappa'. Tappa' sikalia' angkanaya akkullei Nakatutui anjo apa le'baka Napappirannuang mae ri nakke sa'genna narapi' Allo Kiamaka.

1 PETRUS 2:23

Ri wattunna nipali'boi, tena Na'balasa' appali'bo. Ri wattunna sessa, tena Na'garatta'; poro Nabuangammi anjo parkaraya mae ri Allata'ala, Haking adeleka, sikamma kara-kara antujuai.

1 PETRUS 4:19

Lanri kammana, punna nia' tau angkasiaki sessaya lanri Nakaerokinna Allata'ala kammaya anjo, parallui nabajiki tallasa'na siagang parallui napappirannuang kalenna mae ri Batara Mappa'jarina ke'nanga. Iami tuli lanrupai janjinNa.