AYUB 5:7 - KITTA' MATANGKASA'

⁷ Tena! Passangalinna battu ri kalenna rupataua ampabattui cilakaya mae ri kalenna, sanrapang racci' bunga pepe' ammumba battu ri pepe' kalenna.

AYUB 5:7 Iomraidhean Croise

AYUB 14:1

Battu ri lassu'na anjo taua lamma memangi, tena kullena; sinampe'ji attallasa' siagang rassi pa'risi' tallasa'na.

AYUB 7:1

Rupataua sangkammai tau nipassa barjuang; susai katallassanna sangkamma tau angnganre gaji;

PAMMUJI 90:10

Wattu tallasa'na ikambe poro tujupulo taunji bawang, punna gassing ikambe, sagantujupulo taung. Mingka kasukkarrang siagang kapa'risang bawang nagappa ikambe; le'baki attallasa' poro sinampe', allanynya'mi ikambe.

KATO'BA 1:8

Yangasenna appakalanre, siagang appakalanre tena anjorenganna. Tena bassoro'na matanta accini'; tena sukku'na tolinta allangngere'.

KATO'BA 2:22

Lalang sikontu umuru' katallassanna rupataua anjama battalaki siagang assusa-susai; nampa kemae wassele' kaposoanna akkullea nakalompoang pa'mai'!

KATO'BA 2:23

Manna apa mamo le'ba' nagaukang lalang tallasa'na, angngerangi sessa siagang pa'risi' pa'mai' mae ri kalenna. Manna ri wattu bangngia lussa' tonji pa'mai'na. Jari, yangasenna anjo, poro sia-siaji bawang.

YEREMIA 20:18

Angngapa kumusti nilassukang? Poro untu' pa'risi' siagang kasukkarang? Siagang sollanna allalo tallasakku lalang siri'-siri' bawang?

1 KORINTUS 10:13

Sikamma paccoba nukasiaka, sangnging paccoba samara' ngaseng nakasia' rupataua. Mingka tuli jarre'Na Allata'ala mae ri janjinNa. Tena nalaNabalang parekangko nicobai alla'bi battu ri pakkullenu. Punna natabako paccoba, Iami lassareko kajarrekang sollannu akkulle attahang.