AYUB 5:12 - KITTA' MATANGKASA'

^12-13 Napassalasai rancana akkala' kodia, Napiallei sikko' na Najakkala' tau cara'de' salaya, sa'genna tajaria sikontu usahana ke'nanga, na nitipumo ke'nanga ri akkala' salana tonji.

AYUB 5:12 Iomraidhean Croise

PA'JARIANG 31:22

Tallungallopi le'ba'na anjo nampa nipauang Laban angkana larimi Yakub.

2 SAMUEL 11:9

Mingka tammoterai Uria passangalinna attinroi ri dallekanna pakke'bu' lompona balla' kakaraenganga siagang ngaseng pangawala'na karaenga.

2 SAMUEL 17:14

Nalangngere'na anjo, nakanamo Absalom siagang sikontu tu Israel, “Anjo kana pangngunju'na Husai bajikangngangi nakana pangngunju'na Ahitofel.” Memang, Batara le'ba' ampattantui laNahalangi anjo kana pangngunju' baji'na Ahitofel, sollanna nituju Absalom ri bala lompo.

2 KARAENG-KARAENG 6:9

Mingka akkirimmi Elisa kabara' mange ri karaeng Israel untu' ampakaingaki sollanna tena na'lampa ke'nanga mange anjoreng ri tampaka, lanri biasana tu Siria anjorengi angngalle oloang.

NEHEMIA 4:15

Nalangngereki musu-musunna ikambe angkana naassemmi ikambe rancanana ke'nanga. Jari sadara'mi ke'nanga angkana nihalangi ri Allata'ala anjo rancanana ke'nanga. Nampa ammotere'mo ikambe anjama ampakabajiki anjo tembo' kallika.

NEHEMIA 4:9

Lanri kammana appala' doammi ikambe mae ri Allata'ala, siagang nijagaimi anjo kotaya allo bangngi.

AYUB 15:5

Kana-kanannu ampa'nyatai angkana salako, mingka nutongkoki kaja'dallannu siagang kaporeannu a'bicara.

PAMMUJI 21:11

Tena latassesa battu ri turunganna ke'nanga, lanitumpasa' ngasengi ke'nanga ri karaenga.

PAMMUJI 37:17

Saba' lanitepoki koasana tu ja'dalaka ri Batara, mingka tu bajika laNajagai.

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

PANGNGEBARANG 22:12

Lanri nisungkena balle-ballena tau jekkonga, Najagaimi Batara sollanna tuli niparakai pangngassengang tojenga.

YESAYA 19:3

LaKupassala-salangi sikamma rancanana tu Mesir siagang laKutepoki sumanga'na ke'nanga. Lappala' tulungi ke'nanga mae ri barhala-barhalaya, lappalaki pappakainga' siagang pangngunju' mae ri sanro-sanroa siagang roh-roh tanicinika.

YESAYA 37:36

Anjo bangngia battumi malaeka'Na Batara ri kemana tu Asyur na nabuno 185.000 jaina tantarana. Ammukona bari'basa' tassia'-siara'mi anjo maya'na ke'nanga.

YESAYA 44:25

INakkemi ampassala-salangi tappu-tappuna pacinika, siagang ampakkarek-karenangi sikamma pabaca-bacaya. Kugeakki kana-kananna tau cara'deka, kacara'dekanna ke'nanga Kupa'jari kadongokang.

YESAYA 8:10

Apparekko rancana, mingka tena nia' anjari. Angngalle mako kaputusang, mingka tena matu-matunna, saba' ikambe Narurungangki' Allata'alana ikambe.

YEREMIA 49:7

Iaminne kananNa Batara Kaminang Koasaya ri ri sesena Edom, angkana, “Apaka tu Edom takkulleai appikkiri' baji'? Apaka sikamma tucara'de'na tena napakaingaki ke'nanga? Lanynya'mi kacara'dekanna ke'nanga!

YEREMIA 8:8

Barani tojengko nukana kalennu cara'de', siagang nuassengi hukkung-hukkungKu! Cinissai antekamma batena anjo hukkung-hukkungKu nipinra ri panrita-panrita agamaya, a'jekkoa pa'mai'na.

OBAJA 1:8

Ri allo Kuhukkunna bansa Edom, Kupanraki sikamma tucara'de'na. Lalanynya' kabusu'mi kacara'dekanna ke'nanga, tena bate-batena.

LAMPA-LAMPANA 12:11

Le'baki anjo nampami naasseng Petrus anjo apa le'baka kajariang ri kalenna. Nakanamo ri kalenna, “Kamma-kamma anne kuassemmi angkanaya ma'nassa Nasuromi malaeka'Na Batara battu allappassanga' battu ri kakoasanna Herodes siagang battu ri sikontu apa eroka nagaukang bansa Yahudi mae ri nakke.”

1 SAMUEL 23:13

Jari a'lampami Daud siagang ana' buana niaka kira-kira 600 tau jaina ambokoi kota Kehila, nampa a'lampa a'lette'-lette' battu ri se'reang tampa' mae ri tampa' maraengannaya. Nalangngere'na Saul angkanaya a'lampami Daud battu ri Kehila, tenamo nanjari nabunduki anjo kotaya.