AYUB 42:6 - KITTA' MATANGKASA'

⁶ Lanri kammana anjo, tu'guru' siri'-sirika' punna kuu'rangi sikamma kana-kanangku na kusassala' kalengku ammempoma' lalang ri limbu'buka siagang aua.”

AYUB 42:6 Iomraidhean Croise

PA'JARIANG 18:27

Nakanamo pole Abraham, “Kipammopporanga' lanri baraniku ansambungi anne apa nibicaraya, Batara. Inakke anne poro tulinoja' bawang, siagang tena hakku untu' appau.

1 KARAENG-KARAENG 21:27

Le'baki Elia a'bicara, nakekke'mi pakeanna Ahab siagang ammakemi kaeng karung salaku pammatei ri sesse' lalanna, nampa appuasa. Manna ri wattunna tinro ammake tonji pakeang karung, siagang punna a'jappai tuli susana tanja'na.

EZRA 9:6

Kukanamo, “O, Allata'alaku, siri'-sirika' angngangkaki ulungku ri dallekanTa. Dosa-dosana ikambe attambung-tambungi irate ri ulunna ikambe sa'genna narapi' langika.

AYUB 2:8

Nampa ammempomo ri ampi'na pa'loroanga, siagang angngallei reppe' kaca untu' napake appagaru ri kalenna.

AYUB 30:19

Nipatappasakka' antama' ri peoka, a'jari sanrapang mama' loro!

AYUB 42:5

Riolo, pangngassengangku mae ri Katte apa kulangngere'ji battu ri taua, mingka kamma-kamma anne kuassengKi' lanri assidallekangKi'.

AYUB 42:7

Le'ba'na a'bicara Batara mae ri Ayub, Nakanamo Batara mae ri Elifas, “LarroA' ri kau siagang ruaya agannu, lanri teai apa sitojennaya nupau ri KalengKu. Mingka atangKu Ayub tena nakamma anjo.

AYUB 9:31

Natallangnganga' Allata'ala lalang ri ra'masaka, sa'genna manna pakeangku nakana ngaseng appakaringi'-ringika'.

PAMMUJI 51:17

O, Batara, tulunga' a'bicara, nakulammuji-muji mae ri Katte.

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

YESAYA 58:5

Punna appuasako, nusessai kalennu; nupadundui ulunnu rapang ruku' ta'layuka. Akka'rangko kaeng karung nampa nukiori au, nampa attinroko rateanna. Iakaminjo nukanaya appuasa? Nukapangi angkana sannangi nyawaKu ancini' anjo panggaukang kammaya?

YEREMIA 31:19

Le'baki ma'boko ikambe mae ri Katte, mingka assesse'lalammi ikambe ri gau' kammana anjo. Ri le'ba'namo Kihukkung ikambe, ta'dundumi ulunna ikambe napakamma si'na. Siri'-siriki ikambe siagang a'jari tunai lanri dorakanamo ikambe ri wattu rungkana.’

YEHEZKIEL 16:63

LaKupammopporangi kasalannu, mingka takkulleako angkaluppai siagang lasiri'-siriki nusa'ring akkanaya. INakke, Batara Kaminang Tinggia, anne akkana.”

YEHEZKIEL 20:43

Anjoreng lanuu'rangi sikontu panggaukang appakaringika, anra'massiai kalennu. La'ringi'-ringikko angngu'rangi anjo sikontu kaja'dallannu.

YEHEZKIEL 36:31

Lanuu'rangi panggaukang ja'dala'nu siagang anjo tindakannu tenaya nasiratang, nampa a'jari lanre mako mae ri batangkalennu lanri dosa-dosanu siagang anjo kapallakkannu.

YEHEZKIEL 6:9

anjorengi ke'nanga lattallasa' ri pa'rasangang pammelakkanga. Nampa lamangngu'rangi ke'nanga mae ri Nakke, kammayatompa lanapahangi angkanaya iNakke anghukkungi siagang ampakatunai ke'nanga, lanri tenana namajarre' pa'mai'na ke'nanga mae ri Nakke. Le'ba'Ma' nabokoi ke'nanga nampa napilei barhalaya salaku sambengKu. Nampa lalanre kalenna ke'nanga mae ri kalenna lanri anjo sikontu kaja'dallang siagang kakodiang le'baka nagaukang ke'nanga.

DANIEL 9:3

Nampa attojeng-tojemma' appala' doang mae ri Karaeng Allata'ala, na kupala' pangngamaseanNa. Appuasama' siagang ammakema' pakeang karung nampa ammempo irate ri aua.

KAIMANGNGANG 13:12

Punna naciniki imanga angkanaya anjo ballang-ballang keboka alla'bammi battu ri ulu sa'genna bangkeng,

MATIUS 11:21

“Cilaka mako ikau ngaseng tau niaka ammantang lalang ri Korazim! Kammayatompa ikau ngaseng tau niaka ammantang lalang ri Betsaida, cilaka ngaseng tommako! Ebara' angkana le'ba' tommi nigaukang anjo gau'-gau' appakalannasaka ri tangnga-tangnganu ri Tirus siagang Sidon, ma'nassa sallomi le'ba'na toba' siagang nasassala' kalenna tau niaka anjoreng.

LUKAS 10:13

“Cilaka mako ikau tau niaka ri Korazim! Siagang cilaka mako ikau tau niaka ri Betsaida. Naka'de' anjoreng ri kota Tirus siagang ri kota Sidon nigaukang anjo gau'-gau' appakalannasa' le'baka nigaukang ri tangnga-tangnganu, mattantu sallomi le'ba'na toba' tau niaka anjoreng. Siagang sallomi le'ba'na ammakeang tau susa siagang nabonei au ulunna ke'nanga, a'jari pammatei ri katobakkanna ke'nanga.

YOSUA 7:6

Sanna'mi si'nana pa'mai'na Yosua siagang sikamma pamimping umma'na Israel sa'genna nakekke'-kekke' pakeanna ke'nanga, siagang su'ju'mi ke'nanga sila'busu' allo ri dallekanna Patti ParjanjianNa Batara; nasareimi au ulunna ke'nanga salaku pammatei ri si'nana pa'mai'na ke'nanga.