AYUB 41:10 - KITTA' MATANGKASA'

¹⁰ Sanna' larrona punna nipabangungi ri tinrona; tena manna sitau barani ammenteng ri dallekanna.

AYUB 41:10 Iomraidhean Croise

PA'JARIANG 49:9

Yehuda sanrapangi singa rungka; punna le'baki ammuno, ammotereki mange ri ru'munna; anggilingi nampa attinro manna sitau tania' barani mange anronrongi.

AYUB 3:8

He tu sanroa siagang tuppajappana Lewiatan tujumi anjo alloa siagang passumpa na pattunra;

AYUB 3:9

gassingka accayai bintoeng wari-waria, teako pa'biangngi accaya singara'na alloa! Boli'mi kamma sia-sia attayang anjo bangngia ri kabattuanna alloa siagang minasa berua.

AYUB 40:9

Maka gassing kammako iNakke? Maka akkullei sa'rannu a'gunturu' kamma sa'rangKu?

AYUB 41:9

Inai-nai anciniki lapung Lewiatan, la'jari lammai kalenna nampa tu'guru' pinsang lanri malla'.

AYUB 9:4

Allata'ala sanna' cara'de'na siagang sanna' koasana; inai akkulle attahang ambaliangi?

YEREMIA 12:5

Nakana Batara, “Yeremia, punna mangngangko appa'lumba siagang rupataua, antekamma olonu lakkulle appa'lumba siagang jaranga? Punna mallakko ri butta amanga, apa lanugaukang punna niakko lalang ri romang akkatintinga ri birinna Binanga Yordan.

YEREMIA 49:19

Rapang singa ammumbaya battu lalang ri romang lompoa ri ampi'na Binanga Yordan nampa battu mange ri parang tampa'na gimbalaka a'ruku', kammatommi anjo bateKu labattu siagang lampalari tu Edom silalonna battu ri pa'rasanganna ke'nanga. Nampa langngangkaKa' sitau pamimping untu' amparentai anjo bansaya. Inai akkulle nipasangkamma siagang iNakke? Inai barani appare' parkara siagang iNakke? Apaka nia' pamimping akkulle angngewA'?

YEREMIA 50:44

Rapang singa ammumbaya battu ri romang lompoa ri ampi'na Binanga Yordan nabattu mange ri parang pa'rukukanna gimbalaka, kamma tomminjo iNakke, Batara, labattu siagang ampalari Babel battu ri kotana ke'nanga silalonna. Nampa laKupilei sitau pamimping untu' amparentai anjo bansaya. Inai akkulle nipasangkammangA'? Inai barani appare' parkara siagang iNakke? Apaka nia' pamimping akkulle angngewA'?

PAMMILANGNGANG 24:9

Anjo bansaya rapangi singa laki siagang singa gana, ammopanga siagang anra'baya. Inaika barani ampabangungi? Dasi-dasi nanibarakkaki tau ambarakkakiako, siagang nitunrai tau antunraiyako.”

1 KORINTUS 10:22

Yareka erokki' ampa'jari Batara akkimburu'? Maka kassakangangki' na Batara?