AYUB 4:7 - KITTA' MATANGKASA'

⁷ Pikkiri' sai, le'bakika tau tenaya nasala nituju ri cilaka siagang bala?

AYUB 4:7 Iomraidhean Croise

AYUB 36:6

Tau dorakaya tena Nalappassangi sallo attallasa', Nasarei kaadelang tau pa'risika.

AYUB 36:7

Naparhatikangi tau lambusuka, Napa'jari koasai ke'nanga sangkamma karaeng, sa'genna nipakala'biri' ke'nanga satunggu-tungguna.

AYUB 8:20

Mingka Allata'ala tale'bakai Nabokoi tau jarreka tappa'na, tale'baka tongi Natulung tau dorakaya.

PAMMUJI 37:25

Pakkaramula ri rungkaku sa'gengku toa, tale'bakai kucini' tau bajika nibokoi ri Batara, yareka a'jari papala'-palaki ana' cucunna.

KATO'BA 7:15

Tallasakku tena matu-matunna, mingka lalang tallasakku nia' kucini' kammaya anne: Nia' wattunna napanra' tau bajika, manna pole natau baji'. Nia' wattunna nala'bu umuru'na tau ja'dalaka, manna pole natuli nagaukang dosaya.

LAMPA-LAMPANA 28:4

Nacini'na tuma'buttaya anjoreng ri anjo puloa ta'gentung anjo ularaka ri limanna Paulus, massing nakanamo ke'nanga, “Ma'nassa pabuno tau anne taua. Nasaba' manna pole ta'lappasa'mi battu ri bahaya ri tamparanga, mingka tena nikellai attallasa' ri Dewi Kaadelanga.”

2 PETRUS 2:9

Jari Naassengi Batara angkanaya antekamma batena ampasalamaki tau eroka mannuruki ri ero'Na, punna nadallekangi sikamma paccobaya. Siagang Naassengi Batara angkanaya antekamma batena amboliki sikamma tau ja'dalaka, sollanna akkulle nisessa sallang ri Allonna Pangadelanga,