AYUB 4:3 - KITTA' MATANGKASA'

³ Jai tau le'ba' nusare pangngajarang, na ia lammaya nupakajarreki.

AYUB 4:3 Iomraidhean Croise

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

EZRA 6:22

Tuju allo sallona ke'nanga a'rannu-rannu assuarri Passua'-suarrang Roti Tenaya nammake Pa'gambang. Sannang sikali nyawana ke'nanga lanri Napagio'na Batara nyawana karaeng Asyur, sa'genna a'jari lammoro' pa'mai'mo anjo karaeng Asyur mae ri ke'nanga, nampa nabantumo ke'nanga lalang anjo jama-jamang pambangunanna Balla'Na Batara, Allata'alana Israel ri Yerusalem.

AYUB 16:5

Lakupakajarreki pa'mai'nu siagang siapa are pappitangara'; kana-kanangku lassareko panynyaleori.

AYUB 29:11

Manna inai angngaliki mae ri nakke; inai ancinika', napuji jasaku.

AYUB 29:15

Mae ri tau butaya, inakke a'jari rapang matanna; mae ri tau pesoka, inakke a'jari rapang bangkenna.

AYUB 29:16

Mae ri tu kasi-asia inakke a'jari rapang mangge; mae ri tubattu-battua, inakke angngalleangangi.

AYUB 29:21

A'mereki taua punna kupakainga'; napilangngeri baji' sikamma kana-kanangku.

AYUB 4:4

Kana-kanannu assarei sumanga', napabangungi tau tatto'roa, tau lausuka, na tau posoa.

PANGNGEBARANG 10:21

Kana-kananna tau bajika, a'jari barakkaki mae ri tau jaia; kadongokanna tao dongoka ambunoi kalenna.

PANGNGEBARANG 15:7

Kana-kana tau cara'deka rassi siagang pangngassengang, mingka pikkiranna tau dongoka tena nakamma.

PANGNGEBARANG 16:21

Tau cara'deka niassengi nibatei battu ri pikkirang taranna; angngallei pa'mai' batena a'bicara, ampa'jari nipatappa' kana-kananna.

YESAYA 35:3

Pakajarreki limanna tau lammaya, kassaki kulantu' ta'lenggaya.

YESAYA 50:4

Batara Kaminang Tinggia angngajarakka' a'bicara, sollanna akkulle kanangku ampakajarreki tau la'baya pa'mai'na. Tunggala' bari'basa' Napabangungi erokku untu' ampilangngeri ajaranNa mae ri nakke.

YEHEZKIEL 13:22

Tau bajika tenaya naero' Kuapa-apai, nupakaca'di nyawana lanri balle-ballenu. Tau ja'dalaka nupakalompoi nyawana sollanna tuli doraka siagang tena nipasalamaki ke'nanga.

ZEFANYA 3:16

Lanarapiki wattunna nalakkana sallang taua, “He Yerusalem, teako mallakki siagang teako la'bai pa'mai'nu.

LUKAS 22:32

Mingka le'ba' mako Kupappala' doangang Simon, sollanna jarre' tappa'nu. Na punna ammotere' mako pole mae ri Nakke, musti nupakajarreki tappa'na sikamma sari'battannu.”

LUKAS 22:43

Sanna'mi sessana pa'mai'Na Isa. Ammatti'-matti'mi songo'Na naung ri buttaya, sangkamma cera'. Jari pila' attojeng-tojemmi appala' doang. Nampa nia'mo sitau malaeka' battu ampakajarreki.]

EFESUS 4:29

Punna a'bicarako, teako ammakei bicara ra'masa'. Pakemi kana-kana appakabajika siagang akkullea antulungi tau maraenga. Anjo kana-kana kammaya langngerangi kabajikang mae ri tau allangngerekai.

PAOLE 3:28

Ajara'mi siagang saremi pangngunju' Yosua. Pakajarreki pa'mai'na, nasaba' iami lampimpingi anjo bansaya untu' a'limbang siagang angngallei anjo pa'rasangang nucinika.’

KOLOSE 4:6

Sikamma bicara nupasuluka parallui appakasannang pa'mai' siagang appatimbo pangngai. Parallui nuasseng baji' appiali ri pakkuta'nanna taua.

IBRANI 12:12

Lanri kammana, pakkassakangi anjo limannu lammaya siagang anjo kulantu'nu annekkereka!