AYUB 39:13 - KITTA' MATANGKASA'

¹³ Tamaka linta'na pakkape'na ka'nyi' jangang-jangang untaya! Mingka takkulleai napasangkammai ri'ba'na kondoa.

AYUB 39:13 Iomraidhean Croise

1 KARAENG-KARAENG 10:22

Jai kappala' lompona Salomo assombalaka siagang kappala'-kappala'na Hiram. Tattallun taung sikali ammotereki anjo sikamma kappalaka angngerang bulaeng, pera', gading, dare' siagang jangang-jangang cenderawasih.

2 PATTOTTORANG 9:21

Jai todong kappala' lompona Salomo assombalaka ri tamparang lompoa siagang kappala'-kappala'na Hiram. Tallun taung sikali ammotereki sikamma anjo kappalaka angngerang bulaeng, pera', gading gaja, dare' siagang jangang-jangang ga'ga.

AYUB 30:29

Si'na sa'rangku, jai kodongku, rapang karru'na serigala siagang jangang-jangang unta.

AYUB 39:12

Apaka akkullei nurannuang ampasse'reangko kattoannu nampa naerang mae ri pa'lessorannu?

AYUB 39:14

Jangang-jangang untaya a'bayao ri buttaya, nampa nabokoi; jari kassika angngammuki bayaona.

PAMMUJI 104:17

Anjoremmi a'ru'mung jangang-janganga, jangang-jangang ranggung a'ru'mung ri coppo'na.

YEREMIA 8:7

Manna kondoa naassenji nikanaya ammotere'; bukkuruka siagang jangang-jangang pinisika, kammayatompa pune-punea naassengi wattu pa'lettekanga battu ri tampa'na. Mingka ikau, ummakKu, tanuassengai hukkung-hukkung Kupassareanga mae ri kau.

ZAKHARIA 5:9

Accini' naika' na nia' kucini' rua baine anri'ba' mae ri nakke. Akka'nyiki ke'nanga na sanna' kassa'na ka'nyi'na, sangkamma ka'nyi'na kondoa. Naallei ke'nanga anjo sumpaeng karanjenga nampa naerang ke'nanga anri'ba'.