AYUB 34:10 - KITTA' MATANGKASA'

¹⁰ He sikamma tau cara'deka, pilangngeri sai! Maka lakkullei Allata'ala Kaminang Koasaya anggaukangi kasalanga?

AYUB 34:10 Iomraidhean Croise

PA'JARIANG 18:25

Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

2 SAMUEL 22:31

Sangkaki gau'Na Allata'ala, janjinNa akkullei nipatappa'! Ia rapang pa'lapa' barambang mae ri sikontu a'la'langa ri Ia.

2 PATTOTTORANG 19:7

Musti mallakko ri Batara, siagang tutuko lalang annappuki, lanri anjo Karaeng Allata'alata nakabirisi tau a'gau' jekkonga, tau battala' sialia ri se'reang kara-kara, siagang tau annarimaya doe' pacoco'.”

AYUB 34:12

TaNagaukangngai Allata'ala Kaminang Koasaya nikanaya kaja'dallang; sikontu taua Nasare ngaseng kaadelang.

AYUB 34:34

Sikontu tau cara'deka mattantu lanasitujui; tau cara'de' ampilangngeriai kanangku lanakana

AYUB 36:23

Inai akkulle ampattantui oloanNa yareka barani ampakkanai sala panggaukanNa?

AYUB 37:23

Tamaka lompona koasaNa Allata'alata; takkulleaki' anreppesi, tuli lambusu'Na siagang adele'Na; tale'bakai Najallakkang rupataua.

AYUB 8:3

Tale'bakai Napa'jekko Allata'ala kaadelanga; tale'bakai salasa ampaentengi katojenganga.

PAMMUJI 145:17

Adeleki Batara lalang sikontu tindakanNa siagang rassi pangngamaseang lalang sikontu panggaukanNa.

PAMMUJI 92:15

poko' tuli a'rappoa ri wattu toanamo, tuli moncongbulona siagang copponna.

PANGNGEBARANG 15:32

Tau taeroka nipakainga', tena napakala'biriki kalenna; tau eroka nipasaile, a'jari bajiki akkala'na.

PANGNGEBARANG 6:32

Mingka antekammai tu bura'ne a'gau' salaya? Ia napanraki kalenna! Ia sanna' sikali dongo'na!

YEREMIA 12:1

“Punna kuerang parkaraku mae ri dallekanTa, o Batara, attantu la'buttimi angkanaya iKatte tojeng. Mingka ero' tonga' akkuta'nang mae ri Katte ri passala'na nikanaya kaadelang: Angngapai tau ja'dalaka naia kalumanynyang? Angngapa natau tenaya nalambusu' baji' panggappanna?

ZEFANYA 3:5

Mingka nia' iji Batara ri anjo kotaya; tuli Nagaukangi apa annabaya siagang tale'bakai sala. Tunggala' bari'basa' mattantu Nasarei kaadelang umma'Na. Mingka, tau tenaya naassengi kaadelanga ri anjo kotaya, tuli tenana siri'na a'gau' ja'dala'.

ROMA 9:14

Jari apa bodona kana kamma-kamma anne? Lanikana tena naadele' Allata'ala? Mattantuna adeleki Allata'ala!

PAOLE 32:4

Batara Mappasalama'nu maporea, adeleki na sukku' baji' sikontu oloanNa. Allata'alanu tamamminra pa'mai'Na na matulusu' ri nyawa, manggaukangi ri bajika na ri siratanga.

YAKOBUS 1:13

Punna nia' tau nigoda ri anjo paccoba kammaya, takkulleai angkana, “Anjo pa'godaya, pa'goda battu ri Allata'ala,” nasaba' takkulleai Allata'ala nigoda ri kaja'dallanga, kammayatompa tena todong nale'ba' nagoda taua, manna pole inai.