AYUB 32:8 - KITTA' MATANGKASA'

⁸ Mingka assarea kacara'dekang mae ri rupataua, RohNa bawang Allata'ala Kaminang Koasaya.

AYUB 32:8 Iomraidhean Croise

PA'JARIANG 41:38

Nampa nakanamo karaenga ri ke'nanga, “Tena olota lakkulle anggappa tau maraeng la'bi cocokangngang naanne Yusuf, lanri ia nipimpingi ri RohNa Allata'ala.”

PA'JARIANG 41:39

Jari nakanamo karaenga ri Yusuf, “Allata'alami le'ba' ampauang ngasengko yangasenna anne. Jari a'nyatami angkanaya ikaumi la'bi cara'de' siagang la'bi baji' battu ri yangasenna maraenganga.

1 KARAENG-KARAENG 3:12

jari laKuturukiang mako pappala'nu. LaKupa'jariko la'bi cara'dekangngang siagang la'bi bajikangngang pangngassengannu na manna inai-nai, baji' ri jammang allaloa, kammayatompa ri jammang labattua.

1 KARAENG-KARAENG 3:28

Nalangngere'na bansa Israel anjo kaputusang le'baka natantukang lalang ri anjo parkaraya, lannasa'mi siagang angngali'mi ke'nanga ri ia. Nasaba' a'nassami angkanaya nisaremi pangngassengang mabaji' ri Allata'ala untu' a'gau' adele'.

1 KARAENG-KARAENG 4:29

Nisaremi pangngassengang mabaji' Salomo ri Allata'ala, siagang pangngassengang la'bi nabiasaya, kammayatompa pammahang lantang sikalia.

1 KARAENG-KARAENG 5:9

Sikamma ra'yakku langngerangi anjo kayua naung battu ri Libanon mange ri tamparanga. Anjoreng, anjo batang-batang kayua lanasikkoki ke'nanga a'jari raki' nampa lanapalo'loro' ke'nanga ri biring tamparanga sa'genna mange ri tampa' kipattantua. Anjoreng lanibongkaraki anjo raki'-rakika nampa nipassareang mae ri ra'yatta untu' naurusu' pole. Kupalaki battu ri katte nakipasadia apa-apa lanakanrea sikamma tau niaka ri balla' kakaraengangku.”

AYUB 12:16

Anjo Allata'ala gassingi, kassaki siagang porei! Lapung patipu siagang nitipua nia' ngasengi ri kakoasanNa.

AYUB 27:3

assumpa' kukana: Lalang Nasareku ija nappasa' Allata'ala, lalang nia'na ija nyawa lalang ri kalengku,

AYUB 33:16

Nasuroi Allata'ala taua mappilangngeri; Napata'bangkai taua siagang pappasaile.

AYUB 33:4

RohNa Allata'ala ampa'jaria' siagang assarea' tallasa'.

AYUB 35:11

siagang assareai akkala' baji' rupataua la'biangngang na jangang-jangang siagang olo'-olo' ri lino.

AYUB 38:36

Battu kemae naasseng jangang-jangang ibisi' angkana ringngapanna nalanai' je'neka ri Binanga Nil? Inai ampauangi jangang lakia angkana labattui bosia?

PANGNGEBARANG 2:6

Batarami assare kacara'dekang; battu ri Iami rupataua anggappa pangngassengang siagang pammahang.

PANGNGEBARANG 20:27

Ati mailalanna taua iami singara' battu ri Batara ansingari sikontu atinna.

KATO'BA 2:26

Allata'ala assare kacara'dekang, pangngassengang siagang kate'neang mae ri tau ampakasannangai pa'mai'Na. Mingka tau dorakaya Nasuroi a'boya dalle' nampa napatambung wassele'na untu' nipassareang mae ri tau ampakasannangai pa'mai'Na Allata'ala. Jari yangasenna anjo sia-siaji, sanrapang usaha angngondang anging.

YESAYA 28:26

Naassengi carana anjamai, saba' le'ba'mi Niajara' ri Allata'alana.

DANIEL 1:17

Allata'ala Nasarei anjo appaka turungka iamintu pangngassengang siagang kacara'dekang lalang a'rupa-rupa pangngassengang bicara siagang pangngassengang maraengannaya. Pantaranganna anjo Daniel Nasare tongi kacara'dekang untu' ampakasingaraki battuanna pappiso'naya siagang paccinika.

DANIEL 2:21

Iami ampattantui wattua siagang jammanga, Ia antu'gurangi siagang allantiki pamarentaya. Ia todong assarei kacara'dekang, siagang assarei pammahang.

1 KORINTUS 12:8

Nia' tau nisare ri RohNa Allata'ala pakkulle a'bicara sa'genna lompo pangaruna. Maraenganga nia' nisare kacara'dekang untu' ampakasingaraki biritta battua ri Allata'ala; naia tonji anjo Roh se'rea assarei kacara'dekang.

2 TIMOTIUS 3:16

Sikontu apa tattulisika lalang ri Kittaka, nisingari ri Allata'ala, siagang lompoi matu-matunna untu' ampangngajarrangi apa tojenga, untu' appakainga' siagang untu' ampannabai apa salaya, siagang untu' angngajaraki taua sollanna attallasa' situru' ero'Na Allata'ala.

YAKOBUS 1:5

Punna nia' tau ri kau ngaseng kurang pangngissengang, parallui nupappalakkang battu ri Allata'ala, sollanna nisare pangngissengang battu ri Allata'ala; nasaba' yangasenna taua akkullei Nasare Allata'ala lanri lammoro' pa'mai'Na, kammayatompa lanri pangngamaseanNa.