AYUB 32:21 - KITTA' MATANGKASA'

²¹ Tena lakualleangang lalang ri anne pa'geakkanga siagang tena manna sitau lakupuji-puji.

AYUB 32:21 Iomraidhean Croise

2 SAMUEL 14:17

Tappaki atanta angkanaya anjo janjinna karaengku lanatanggongi kasalamakkanna atanta lanri ikatte rapangki' malaeka'Na Allata'ala, akkullea angngassengi apa bajika siagang apa ja'dalaka. Dasi-dasi naNarurungangki' Karaeng Allata'ala!”

2 SAMUEL 14:20

Mingka nanagaukang anjo kammaya lanri ero'na ampakale'baki anjo parkaraya siagang baji'. Bajikki' siagang cara'dekki' karaeng sangkamma malaeka'Na Allata'ala sa'genna akkulle kiasseng sikontu apa kajarianga.”

AYUB 13:10

Punna nia' nualleangang, manna nucokko-cokko, lanihukkung terasakko ri Allata'ala.

AYUB 13:8

Akkullekoka agang mae ri Allata'ala nanualle-alleang salaku tumappatojenna?

AYUB 32:20

Musti a'bicara', sollanna sannang pa'maikku; musti appaua' na kuappiali.

AYUB 32:22

Manna appalecea, tena todong nakuassengi, na ebara' angkana kuassengi kugaukang anjo kammaya, laNahukkung silalonna' Allata'ala.”

AYUB 33:3

La'bicara' silambusu'na pa'maikku; kana sitojenna lakupau.

AYUB 34:19

Tena Nangngalle mae ri sikamma karaenga, yareka Naparioloangngang tau kalumanynyanga na tu kasi-asia. Lanri yangasenna para bate pare'Naji.

PAMMUJI 82:2

“Tea' mako angngadeli pole siagang jekkong, tea' mako agangngangi pole tau ja'dalaka.

PANGNGEBARANG 24:23

Tau cara'deka le'baki akkana kamma anne: Hakinga takkulleai battala' siali.

PANGNGEBARANG 28:23

Tau appasailea, kale'bakkanna la'bi nipakalompoi na tau appalecea.

KAIMANGNGANG 19:15

Musti lambusukko punna angngadeliko; teako battala' mangei ri tu kasi-asia siagang teako mallakki mae ri tau kalumanynyanga.

MALEAKHI 2:9

Na iNakke lampa'jari natunaiko umma' Israel lanri tenana numannuruki ri erokKu, kammayatompa lanri nupasimmara'-maraenna taua ri wattunna nuajara' ummakKu.”

MATIUS 22:16

Nasuromi ana'-ana' gurunna ke'nanga mange ri Isa. A'rurummi ke'nanga siagang ana'-ana'na Herodes. Battui mange ri Isa, angkanami ke'nanga, “O Guru, niassemmi angkanaya iKatte tau lambusukKi'. Apa ero'Na Allata'ala Kipangngajarrammi silambusu'na ri sikamma taua. Manna pole inai tena Kijampangi antekamma panggappana. Nasaba' iKatte tena Kimmile-mile tau.

PAOLE 1:17

Takkulleai battala' siali kaputusannu; musti nupasangkamma-kamma ngasengi taua punna nuadeli, manna pole inai teako pasimmara'-maraengi. Teako mallakki manna pole ri nai, nasaba' anjo kaputusang nupattantua iamintu kaputusang battu ri Allata'ala. Punna nia' parkara battala' dudui nusa'ring, erangi mae ri nakke, sollanna inakke antappuki.

PAOLE 16:19

Punna angngalle kaputusang ke'nanga, takkulleai ke'nanga appaero'-ero' kalenna yareka takkulleai battala' siali. Takkulleai ke'nanga annarima passare nipacoco', lanri anjo passare kammaya napa'jari butai taua, ba'lalo manna tau cara'deka siagang tau lambusuka, sa'genna tena naadele' batena ke'nanga angngalle kaputusang.